|
| شكرا الموقع ده منكم وليكم ، والبركة فى رييرى يا واد يا حسين :) |
| خالد |
| ازيك يا ميكا الموقع بتاع برامج التلفزيون ده جامد جدا شكرا على مجهوداتكم |
|
| اهلا استاذ خالد .. العفو والحمد لله انه عجبك ولسة هنعمل له تطويرات تانية .. ده عنوان الصفحة لزباينا الكرام masrawy.com/tvguide |
| lome |
| هاى ميكا ازيك انا اول مرة ابعتلك واتمنى اكون صديقة ليكم سلامى للكل الاصدقاء |
|
| اهلا بيكِ فى الورشة |
| محمد |
| انا اول مرة اكلمك يا ميكو بس بجد انتى وصحابك جامدين وعاملين شغل حلو ممكن ابقى صديق ليكو |
|
| طبعا يا محمد اهلا بيك |
| خاطف السعاده |
| احلي مساء الورد علي خد الجميل علي فكره يا ميكا اسلوبك في الرد عاجبني اوي وبجد تستحق لقب فارس |
|
| شكرا ، انتى احرجتنى وحتخلينى انزل من على الحصان عشان احييك |
| باسم |
| ميكا انت دمك خفيف بجد ربنا معاك وانت فعلا تستحق حب الناس دى كلها بس قولى بقى تعمل ايه لو كل ما تروح فى حتة بنت تقابلك وتحبك ، وانت يا عينى غلبان على امرك وخاطب وبتحب خطيبتك، تقتل خطيبتك ولا تقتل البنات |
|
| اهلا يا "كازا باسم" .. إلبس دبلة الخطوبة وعرف الناس دول انك خاطب وبتحب خطيبتك ، ومتفتحش باب حوار معاهم ، يعنى صدهم عشان تريح دماغك وتنهى المواقف دى .. حب خطيبتك وأخلص لها |
| حسن البكرى |
| ياميكا انااول مره ابعتلك بس انت شكلك رجل عسل ممكن تقولى على سعر العربيه الهامر وصل كام دلوقتى |
|
| هامر مرة واحدة ؟؟؟ بص انا حفتح شنطة العدة بتاعتى وحديك "الهامر" اللى بشتغل بيها وعليها "مفك" هدية عشان تصبر نفسك شوية |
| الهام |
| السلام عليكم انا اول مرة ادخل هنا وحبيت اكون صديقة ليكم وعايزة طلب منك ياريت متكسفنييش ليه متعملش ركن عندك هنا للمراة وكل سنة وانتم طيبيين |
|
| وعليكم السلام ورحمة الله انسة الهام .. سعداء بتواجدك معانا. احنا بالفعل عندنا صفحة للمراة على مصراوى .. ادخلى هنا وقولى لنا رايك masrawy.com/women |
| محمد |
| اهلا ميكا انا كنت عاوز اقولك هولية الايام الحلوة بتمر بسرعة |
|
| عشان مبنبقاش عايزنها تخلص وبنبقى مستمتعين بكل ثانية فيها .. وبعدين الحياة كده يا محمد ، اوقات حلوة واوقات مش حلوة |
| tamer |
| yaaaaaarb tkon bgher ya ahla meka |
|
| الحمد لله يا تامر .. شكرا على سؤالك |
| وليد محمود |
| انا الصراحه يا ميكا اول مره ادخل فعندى سؤل الصراحه .. هو انت مين بالظبط ؟؟ يعنى اسمك ايه كام سنه بتشتغل ولا فى كليه كده يعنى |
|
| انت مشرفنا يا اخ وليد ... وسؤالك ده للأسف من خارج المنهج |
| باسنت |
| هاى ميكا ازيك يا جميل اخبارك ايه انا معجبه بيك جدا وبكلامك الى يجنن وشخصيتك بجد غامضه اوى بص ايه رايك فى الحب على النت يا ترى حلو ولا وحش انا مستنيه ردك |
|
| ده من ذوقك يا انسة بسنت ، اما الحب على النت فانا بعتبره مغامرة لان الاثنيين مبيكونوش عارفيين بعض الا عن طريق الكتابة وبس، وكل واحد يرسم صورة فى ذهنه للشخص التانى ويعيش نفسه فى الوهم وبعدين بينصدموا على ارض الواقع حتى لو شافوا صور بعض ، مافيش احسن من الطرق اللى احنا عارفينها والاهل لازم يكونوا عارفين بالموضوع من الاول او على الاقل الام |
| مريومه |
| ميكا ردودك كلها جميلة واحبة اشكرك على رابط برنامج برجر كينج عشان لولاك مكنت سمعته فعلا برنامج حلو اوى وانت بنى ادم جميل |
|
| العفو يا انسة .. البرنامج بس متوقف فى رمضان |
