بالفيديو ..سيد رجب يشن هجوما حادا على رئيس الرقابة بعد تعطيل فيلم "طلق صناعي"

مصراوي 

صرح، الفنان سيد رجب عبر رسالته المصورة الموجهة الى جهاز الرقابة على المصنفات الفنية، والى جميع العاملين بمجال الفن بخصوص فيلم "طلق صناعي"، الذى ينتظر قرار الدكتور خالد عبدالجليل، رئيس جهاز الرقابة لعرض الفيلم الذى يواجه مشكلة حاليًا بشأن طرحه الفيلم خلال أجازة منتصف العام.

وقال رجب في مقطع فيديو حصري لمصراوي : " بوجه رسالة للدكتور خالد عبد الجليل رئيس الرقابة على المُصنفات الفنية، بخصوص فيلم طلق صناعي معلوماتى يادكتور أن حضرتك إجازت الفيلم كسيناريو، وُبناٍء عليه أشتغل عدد كبير جدًا من الناس من أول المُنتج لكل العاملين بالفيلم، وده مجهود وصرف وفلوس،حاجة كبيرة أوى يعني، وبعدين حضرتك إجازت الفيلم عشان يتعرض في مهرجان ُدبي ، وبعدين حضرتك إجازت التريللر، وبعدين الفيلم يتمنع في مصر، يعني يتعرض بره ويتمنع في مصر، ده الشىء الغريب جدًا اللى مش قادر أفهمه بصراحة، مُعلوماتي يادكتور أن الرقيب بيحل المشاكل الفنية بين الفنان واى جهة تانية بُطرق فنية، يعني يشيل مشهد ويضيف مشهد، لآن الموضوع أحنا ما بندمرش البلد، أحنا خايفين على البلد زيك بالظبط، وزى أى حد حريص على البلد، أنما يكون هو السيف المُسلط على الفنانين وعلى الفن بشكل عام ويبقى هو اللي بيبلغ ويقول الفيلم ده ما يتعرضش بعد كل الإجازات ديه، ده الشىء الغريب جدًا، يا دكتور لازم حضرتك تعرف اننا مع الدولة ومع النظام بنحب مصر، وعاوزينها تبقى أفضل بلد في العالم، الفيلم معمول في الفترة الزمنية 2013، اللى حكم أحنا كُلنا حاربنا ونضالنا وإتمنينا اننا نخلص من الحكم ده، ولسه لحد دلوقتي بنكافح من أول رأس في الدولة اللي هو رئيسنا السيسي لغاية أخر واحد بنناضل ضد الأرهاب اللى موجود، فأنا مش قادر أفهم الموقف بالظبط ، ان حضرتك مع اى وقت واى زمن ، فا أديني فرصة أكلمك بُناٍء على معرفتى بك من زمان ان اللى يسمع كدة ويفهم كدة هيقول ان حضرتك بتأخد بُنط على كل الفنانين علشان تأخد مكانة ووضع أكبر وده مش مظبوط أرجوك راجع موقفك تاني يادكتور، لأن أحنا أصدقاء من زمان وان بقولك الكلام ده كصديق". وأختتم رجب كلامه بـ "القرار ده لا فيه مصلحة للفن ولا في مصلحة لللسينما ولا في مصلحة للرقابة، أرجوك راجع نفسك مرة تانية يا دكتور".

الجدير بالذكر انه قد تم مؤخرًا عرض الفيلم على لجنة مُشكلة من الرقابة الفنية بشأن عدد من الملاحظات التي قد تم الإستجابة بتعديلها، فيما أبدت اللجنة بعد عرض الفيلم عن ردود الفعل الإيجابية، نافيًا ما تردد مُسبقًا بشأن عدم عرض الفيلم.

بينما تدور أحداث الفيلم في عهد الرئيس المخلوع محمد مرسي، ويحكي عن معاناة المصريين والدولة في تلك المرحلة، ويرصد الفيلم من خلال أحداثه إلى أن تلك المعاناة دفعت الكثير منهم للتفكير في الهجرة، وهذا ما يتم طرحه من خلال إطار تشويقي كوميدي.

يُذكر أن "طلق صناعي" من تأليف الأشقاء الثلاثة " محمد وشيرين وخالد دياب"، ومن بطولة الفنانة حورية فرغلي، والفنان ماجد الكدواني، ويُشاركهم العمل كُل من "بيومي فؤاد، سيد رجب، مصطفى خاطر، مي كساب" ومن إخراج خالد دياب.