ليه بتحبي غادة عبدالرازق؟ هتعملي فرح؟..كيف أجابت مي عز الدين على أسئلة جمهورها

كتبت- منال الجيوشي:

على "الاستوري" الخاص بها، على حسابها الشخصي بموقع إنستجرام، فعّلت الفنانة الشابة مي عزالدين خاصية طرحها موقع الصور والفيديوهات الشهير منذ فترة.

ووجه الجمهور لمي عزالدين عددا من الأسئلة، أبرزها:

_"إنتِ عاملة تجميل في شفايفك؟"، وأجابت: "لأ في مناخيري".

_ "بتحبي أي ممثل في الوسط الفني؟"، وأجابت: "فارس السينما أحمد السقا".

_ "ليه كنتِ زعلانة في برنامج حكايتي مع الزمان؟"، وأجابت: "جالي صدمة لما شُفت نفسي عجوزة".

_ "ليه بحسك منعزلة؟"، وأجابت: "عشان دي حقيقة".

_ "إنتِ إزاي مش ملكة جمال مصر؟"، وأجابت: " يمكن عشان قصيرة مثلا".

_ "دور تمنيتي تعمليه"، وأجابت: "دور حلا شيحة في عريس من جهة أمنية".

_ "إنتِ اتجوزتي؟"، وأجابت: "والله لأ".

_ "كام تاتو؟"، وأجابت: "6".

_ "متخيلة إنتِ وأحمد حاتم لو اتجوزتوا هتجيبو تشيز كيك؟"، وأجابت: "أنا وأحمد حاتم كأصحاب ممكن نولع في بعض في أي لحظة، فاللي بتقوليه ده تنسيه خالص".

_ "هتعملي فرح لما تتجوزي وتلبسي فستان؟"، وأجابت: "لا".

_ "تختاري تدرسي أي لغة؟"، وأجابت: "ألماني".

_ "إيه حكاية الجبنة الرومي بالقشطة؟"، وأجابت: "بحبها".

_ "بتعملي إيه في شعرك عشان يبقى كده؟"، وأجابت: "حاليا بروح أعالجه".

_ "إيه أكتر أكل بتحبيه؟"، وأجابت: "مصري بحب القلقاس، والملوخية، سبانخ، مسقعة، والأكل المغربي والصيني".

_ "بتكراشي على حد؟"، وأجابت: "3 منهم واحد الله يرحمه".

_ "بتحبي غادة عبدالرازق، وليه؟"، وأجابت: "آه عشان طيبة واللي في قلبها على لسانها ومبتمثلش في الحقيقة".

_ "ارجعي مثلي مع السعدني"، وأجابت: "حاضر".

_ "لونك المفضل"، وأجابت: "الأحمر والأسود".

_ وطلب أحد المتابعين الكوريين منها الزواج، وأجابت قائلة: "كوريا ليست المشكلة، فمعظم الأشياء والمنتجات التي أستخدمها كورية، لكن المشكلة أنك لا تعرفني، وأتمنى أن تتزوج بكورية جميلة، وسوف أحضر حفل زفافكما".