هنا من أكتر 50 سنة، أنا وبناتي
معانا حمار وكلب علشان يحمينا، ونعجتين بنرعاهم وناكل منهم
مخدناش بيت في قرية حسن فتحي
هنروح وين، هنرقد في الشارع؟!
الحكومة قالت هتعوضنا
معوضتناش
مخدناش بيوت ولا أرض

الحاجة نجاه "الساكنة الأخيرة بالقرنة القديمة"

قريتنا أُهملت من وقت ما بناها حسن فتحي
من 1946 لحد 2017 محدش افتكرها
هما دلوقتي افتكروها؟!

أحمد عبد الراضي "مؤسس متحف حسن فتحي بالقرنة"

من 70 بيتًا، مش فاضل غير بيتي
و4 بيوت اشتراها أصدقائي المثقفون
وفاضل 14 بيتًا متصدعًا ممكن ينهار في أي وقت

بعد ثورة 25 يناير الناس هدت بيوتها وبنيت خرسانة
بس أنا بعذرهم مكانوش قادرين يبنوا، ولما جت الفرصة بنو

كان شرطًا من شروط جوازي إن إللي تختارني تختار تعيش في البيت
وبنتي من بعدي هتكمل المشوار
لو حاولوا ياخدوا البيت
هرفعه ببالون زي فيلم الكرتون،
زي ما البيت بيحمينا إحنا هنحميه

محمود أحمد عبد الراضي "نجل أحمد عبد الراضي"

قرية حسن فتحي بالنسبالي كانت عمل معماري رائع
لكن لما جيت اتصدمت
قررت إني أشتري بيت، لكن كل سنة باقي البيوت بتختفي
طبعا دي مأساه..

سمير صبحي دبلوماسي سابق

أنا من ضمن الطلبة إللي اتعلموا على إيد حسن فتحي
بحب الشغل، وبفضله عن أي شغل تاني
لكن بيوت حسن فتحي مبتشيلش أكتر من أسرتين
طبعا دي مأساه..

سيد الضو "آخر عامل بناء من تلاميذ حسن فتحي"

إحنا هنا من 40 سنة،
رممنا البيت علشان كان هيقع..
لكن قدام لازم نهد البيت علشان معايا ولدين عايزين يتجوزوا
لو عندنا مكان تاني كنا خليناه، لإنه بيت جميل، بس الظروف..

فاطمة علي أحد سكان بيوت حسن فتحي

خايفين على عيالنا من البيت
لما نقدر هنهده ونبنيه
البيوت التراثية، محتاجة مبالغ علشان تترمم
إحنا حابين البيت، بس لو وقع علينا!

أحمد محمد حسان أحد سكان بيوت حسن فتحي