حسام حبيب عن شيرين عبدالوهاب: "أنا مريض بيها ومش قادر أبعد"

كتبت- نوران أسامة:

تحدث الفنان حسام حبيب عن علاقته المضطربة بالفنانة شيرين عبد الوهاب، كاشفًا عن تفاصيل جديدة حول الخلافات التي جمعتهما والاتهامات التي وُجهت إليه.

وقال حسام حبيب خلال لقائه مع الإعلامية بسمة وهبة في برنامج "العرافة" المذاع على قناتي "النهار والمحور": "هي قالت إنها مش هتخليني أعرف أمشي في الشارع، بس أنا مريض بيها، مش قادر أبعد، ومش بحب الانفصال، ومرتبط بكل ذكرى ومشاعر وحتى كل خناقة بينا".

وتابع حسام: "هي اللي عرضت عليا الجواز، هو أنا كنت عاوز أتجوز؟ جاتلي وهي خسرانة كل حاجة، حياتها الشخصية كانت في حالة صعبة، وأنا عملت معاها اللي مش بعمله لنفسي، لدرجة إني كنت ممكن أحيي أفراح للناس وأدفع فلوس من جيبي عشان أساعدها".

وأشار إلى أن شيرين لم تكن مستقرة في حياتها المهنية، قائلًا: "جابت 50 مدير أعمال وكلهم مشيوا، مفيش حد كمل معاها، وأنا كنت الوحيد اللي مستحملها وبحاول أحميها وأدعمها بدون مقابل".