أحمد حلمي ينفي انتقاده لمحمد رمضان ويوجه له رسالة

كتبت- منى الموجي:

أكد الفنان أحمد حلمي أنه لم يقصد بما نشره على صفحته الرسمية بموقع "فيسبوك" منذ ثلاثة أيام تقريبا، انتقاد الفنان محمد رمضان كما ظن البعض.

وكتب حلمي "توضيح بسيط وسريع بخصوص ما حدث بعد نشر الصورة بتاعتي وأنا راكب العربية الميني القديمة اللي كانت معايا في فيلم ظرف طارق .. واللي الناس فهمت انها بغرض اني بوجه رساله لزميلي الفنان محمد رمضان وهذا ما احزنني كثيرا".

وتابع "يا جماعة أنا لو عايز أوجه رسالة لأي حد أعرفه كويس أو حتي معرفوش مش هاعمل كده على مواقع التواصل الاجتماعي .. لأني عمري ما عملت كده أبدا لأني ببساطة ممكن ابعتله رساله على موبيله أو هاكلمه في التليفون" .

موضحا أن ما كتبه من تعليق أسفل الصورة لا يمت بأي صلة بمحمد رمضان، وانما يتعلق بصديق له – حلمي -، مضيفا " واحد صاحبي هو الوحيد اللي هايفهمه لاني قايله بسبب موقف طريف حصل معانا و ليه علاقه بالعربية الميني .. علشان كده نهيت الكلام المكتوب بـ ده كلام في سرك ..... ششش".

واختتم حلمي كلامه بتوجيه رسالة لرمضان قال فيها "زميلي العزيز محمد رمضان ... ربنا معاك ويوفقك دايما وتحقق كل اللي نفسك فيه في حياتك الفنية".