طريقة عمل فطيرة الفراخ المشويه بالخضار

المدة: حوالي ساعة و نص

الصعوبة: متوسطة

عدد اﻷفراد :4 - 7

المكونات

• اولا مقادير العجين
• 2 كوب دقيق
• 2 ملعقة كبيرة لبن بودرة
• 1 ملعقة كبيرة سكر
• 3 ملاعق كبيرة زيت
• 1 ملعقة كبيرة خميرة
• ربع ملعقة محسن خبز ( اختيارى )
• رشة ملح
• ماية دافيه للعجن
• ثانيا مقادير الحشو اختياريه حسب المتوفر والمتبقى عندك من الخضار
• 2 صدر دجاج مشوى
• 2 معلقة كبيرة خرشوف سوتيه
• 2 معلقة كبيرة مشروم
• 3 معلقة كبيرة سبانخ فريش
• 2 معلقة كبيرة فلفل اخضر
• 2 معلقة كبيرة فلفل احمر
• 2 معلقة كبيرة فلفل اصفر
• بصلة كبيرة مقطعة جوانح
• 2 معلقة كبيرة صوص بشاميل ثقيل
• شرايح من الجبنه الشيدر - ملح - فلفل اسود - رشة كبيبة صينى - بودرة ثوم - بودرة بصل
  
  

قرأ المزيد من الموضوعات المتعلقة

طريقة عمل فاهيتا الفراخ

طريقة عمل بيكاتا فراخ

طريقة العمل

1. طريقة العجين، بتخلطى كل المكونات مع بعض وتعجنيها جيدا حتى تصبح عجينه متماسكه وطرية زى القطنه تدهنى طبق شويه زيت وتحطى العجين وتغطيها وتخليها تخمر ممكن ساعة او اقل.
2. فى طاسة على النار فيها شويه زيت زتون تنزلى بالبصل الجوانح ولما يدبل تنزلى بالمشروم والسبانخ ثم الفلفل الالوان تقليبة وتضعى الخرشوف والفراخ والتوابل وتنزلى بالبشاميل تقلبتين وتطفى.
3. افردى العجين فى صينيه تدخل الفرن حطى الحشو وفوق الحشو شرايح الجبنه وغطى بباقى العجين ادهنى اقل من ربع كوب لبن عليه ربع معلقة صغيرة نسكافيه وبيضة صغيرة رشى سمسم ودخليها فرن سخن لحد مايكون لونها ذهبى.

يمكنك متابعة أهم وأحدث المقالات على الفيس بوك عبر صفحة مصراوى - هو وهي