قالوا عن ريهام سعيد وفتاة المول

كتبت-عبير القاضي:

أثارت حلقة الإعلامية ريهام سعيد، مقدمة برنامج "صبايا الخير" المذاع على فضائية النهار، جدلا واسعاً في وسائل الاعلام المختلفة، وعبر الاعلاميين والسياسيين ومستخدموا مواقع التواصل الاجتماعي، عن رفضهم واستنكارهم لما فعلته ريهام سعيد في برنامجها، وعرضها لصور شخصية لما يطلق عليها بـ "فتاة المول".

تامر عبد المنعم 

" يا سمية أرفعي راسك فوق، واللي خد تليفونها غير مهذب، وعرض خصوصيتها، وريهام سعيد دايما تتبع سياسة خالف تعرف، وسياسة الفرقعة الاعلامية، ديه اسمها دعارة اعلامية، ولو طلعت صور للبنت تاني انا بقى هطلعلها صور".

سما المصري 

قالت الفنانة سما المصري، إنها على اتم الاستعداد ان تقوم بالتعاقد مع محامٍ للدفاع عن سمية" موجهه حديثها لريهام سعيد" انتي كان ليكي صور زمان كانت في افراح ومع ياسمين النرش بفساتين سهرة تحبي حد ينشرهالك، واللي عملتيه يعرض للسجن غير حساب ربنا".

وائل عباس 

"تجربة ريهام سعيد دي تجربة كويسة جدا اننا نتعلم منها ايه هي الجرائم الاخلاقية اللي مفروض الاعلام ما يعملهاش يعني ممكن نفصل كود اخلاقي عليها".

مصطفي النجار 

"جريمة إعلامية: ريهام سعيد تعرض صورا خاصة للفتاة ضحية التحرش في المول" 

اسلام جاويش 

طول عمري كنت اشوف ناس تتخانق بالشتيمة على الفيس بوك بين مؤيد ومعارض ، اول مرة اشوف الناس كلها متفقة على رأي واحد بالشتيمة على ريهام سعيد

مظهر شاهين 

أذكر الأخت المذيعة بقول الله سبحانه وتعالي : ( إن الذين يحبون أن تشيع الفاحشة في الذين آمنوا لهم عذاب اليم في الدنيا والآخرة ) صدق الله العظيم، أعراض الناس مش لعبة، أسأل الله لنا لها ولمن تعمل عنده الهداية.

ليليان داوود

يمكن كتابة شكوى وتجميع اكبر عدد من التوقيعات وإرسالها لاداراة الشركات في الخارج، اعتراضا على اعلانها ببرامج تنتهك الأعراض.

ودشن مستخدموا مواقع التواصل الاجتماعي هاشتاج يحمل عنوان"موتي يا ريهام"، اعتراضاً منهم على ما قامت به ريهام سعيد في برنامجها، ونشر صور شخصية لفتاة المول، ومهاجمتها.

حيث قالت Mohga Dewedar

"ريهام سعيد المستفزة كانت جايبة اخت الراجل اللي اتحرش بالبنت في المول اللي اعترف النهارده قدام النيابة انه اتحرش بالبنت فا شتمته وعشان كده ضربها .. ريهام هانم بقي بتدافع عنه زي ما يكون قريبها او تعرفه شخصيا بشكل غريب .. وجابت اخته ع التليفون وحاجة تقرف .. بفكركوا تاني انه اعترف"

واضافت لميس سلامة

وتابعت ندي قطب 

"ايمان الحصرى شابوه ليكى بصراحة و لاخلاقك ومهنيتك، ريهام سعيد انتى عايزة اعدام بجد".

اقرأ أيضا:

"اتهامات وغلق هواتف و سرقة صور".. قصة فتاة المول