فيديو| سهير رمزي عن النصف من شعبان: "قررت ما اشتغلش فيه"

كتب- مروان الطيب:

كشفت النجمة سهير رمزي عبر مداخلة هاتفية عبر قناة النهار الفضائية عن احتفالها بعيد ميلادها والذي وافق يوم الجمعة 3 مارس الجاري.

وخلال مداخلتها تحدثت سهير عن طقوسها للاحتفال بيوم مولدها وأنها كانت تحب الاحتفال به قبل وفاة والدتها، وأن بعد وفاتها موضوع الاحتفال بات ثقيلا عليها "بس الحمد لله ربنا بيعوضني بحاجات حلوة كتير فتلاقي مثلا جوزي جانبي بيعمل لي حاجات جميلة جداً، صحابي وأهلي، حتى لما دخلت الاستوديو ماكنتش قايلة لحد على عيد ميلادي لقيت الفريق كله عملي احتفال جامد، حب الناس ده بالنسبة لي هو الطقوس الحلوة اللي انا بحبها".

وأضافت سهير ضاحكة "انا بزعل عشان في سنة راحت مني، مببقاش فرحانة اوي وبقول يا خبر دي السنة راحت يا ترى السنة الجاية هتبقي ايه، يا ترى السنة اللي راحت هل انا عملت فيها حاجات حلوة ولا لأ".

واستكملت حديثها قائلة "قررت ما اشتغلش النصف من شعبان السنة دي، وقلتلهم سيبوني انهاردة هو يوم في السنة، والواحد فعلا بيبقى محتاج يقعد مع نفسه يقرأ قرآن، يصلي، يدعي لربنا، وكمان جاي في أيام عيد ميلادي فأنا سعيدة جداً جداً".

يذكر أن سهير رمزي تشارك هذا العام ببطولة مسلسل "أم البنات" والمقرر مشاركته بالماراثون الرمضاني المقبل.

اقرأ ايضاً..

حلا شيحة في أحدث صورها بدون حجاب: "اتطور".. وهكذا علق الجمهور

"مشيت ورا هند رستم ومبقتش أم عشان أتفرغ لفني".. تصريحات نبيلة عبيد