رشوان توفيق: أعتبر زوجتي من الصالحات بعد 62 سنة كفاحًا ومودة ورحمة

كتب- معتز عباس:

قال الفنان رشوان توفيق إنه يعتبر زوجته من الصالحات اللاتي يستجيب الله دعاءهن.

وأوضح توفيق، خلال لقائه مع برنامج "مساء دي إم سي"، المذاع عبر فضائية "دي إم سي"، اليوم الإثنين، في الظهور الأول له عقب وفاة زوجته، أنه كان يتبقى على السفر لقضاء مناسك الحج 4 أيام، وكان يتمنى وقتها أن يسافر برفقة زوجته إلى السعودية، مضيفًا: "قُلت لها ربنا مش كاتب لنا الحج السنة دي، رفعت إيديها ودعت إن ربنا يكتب لي الحج، هدية من ربنا.. وقبل الوقفة بيوم لقيت صديقي بيتصل بيّا بيقول لي مش عايز تروح تحج، قُلت له أنا عايز زوجتي تيجي معايا ولازم كتفي يكون في كتفها، راحت مراتي بعد انتهاء المكالمة قالت لي إنت طلبتها ونُلتها، وقدرت أخلَّص أوراقي أنا وهيَّ وسافرنا ووصلنا صباح يوم الوقفة".

وتابع الفنان: "في إخلاص بيننا وحب وعِشرة ومودة ورحمة، لكن دلوقتي بقيت باقعد في الأوضة لوحدي مش متصور إنها مش موجودة معايا، كل حاجة حصلت لينا في الـ62 سنة قبل وفاتها باقعد افتكرها وافتكر كفاحها معايا".