رانيا محمود ياسين: والدي أب عظيم ودخولي الفن كان بدايته "خناقة"

كتب - معتز عباس:

استعادت رانيا محمود ياسين بعض ذكريات والدها قبل دخولها مجال الفن وزواجها من الفنان محمد رياض.

وقالت "ياسين"، في مداخلة هاتفية لبرنامج "كلمة أخيرة"، المذاع على فضائية "أون إي"، اليوم الاثنين، إن والدها كان يساعدها كثيرًا في حل واجابتها المدرسية وبالأخص اللغة الإنجليزية، مضيفة: "كان بيساعدني في تعليمي وترجمة كتب وواجب اللغة الإنجليزية، كان بيخلص تصوير وبيرجع البيت مرهق وتعبان ورغم كدا كنت أقوم الصبح بلاقيه مترجملي كل حاجة".

وأضافت، قائلة: "أنا لما كبرت عرفت قد إية أنه أب عظيم وماكنش عايز يحسسني أنه مش موجود، ابويا حاجة كبيرة أوي في حياتي عمرها ما هتتعوض".

وأشارت إلى أنه حدث خلاف كبير بينها وبين والدها لرغبتها في دخول مجال الفن، موضحة: "أكبر خناقة اتخنقتها مع والدي بسبب رغبتي في التمثيل لكنه مارضيش يكسر بخطري، هو كان عايز أخلص دراستي وأخد الشهادة وبعدين أكمل دراستي في المسرح او الدراما".

وأوضحت: "بابا كان عايز أكمل دراستي في أداب انجلش، عشان يامن مستقبلنا، بحكم أنه لو معرفتش اشتغل في الفن اشتغل أي حاجة تانية تابعة لمجالي".

وتابعت: "أنا حققت لوالدي اللي كان نفسه فيه كنت بشتغل وبذاكر في الأوقات اللي معنديش في تصوير"، وكان بيحب محمد رياض وبيعتبره ابنه وشافه شاب راقي ومحترم ووافق على زواجنا".