أحمد زاهر يكشف حقيقة غضبه من أحد معجبي ابنته بسبب "سيلفي"

كتب- حسن مرسي:

قال الفنان أحمد زاهر، إنه دائم الخوف على بناته، خاصة من تعامل المعجبين معهن خلال التقاط الصور السيلفي، مضيفًا: "عمري ما بضايق من الجمهور لما بيطلب يتصور معايا، الجمهور هوا اللي عملني ومن حقه عليا يتصور معايا، ولكن كل اللي بطلبه يكون فيه قدر من الاحترام".

وأضاف زاهر، في مداخلة هاتفية مع الإعلامي عمرو أديب، ببرنامج "الحكاية"، المُذاع عبر فضائية "mbc مصر"، مساء الأحد، أن أحد المعجبين طلب التقاط صورة سيلفي مع ابنته وضع يده على ظهرها، معقبًا: "بنتي فنانة ومن حق الجمهور يتصور معها، ولكن مينفعش حد يحط إيد على ضهرها، بتزعلوا مني لما بخاف على بنتي".

وتابع الفنان أحمد زاهر: "أي أب في الموقف ده كان ممكن يضرب الولد.. ولكن علشان أنا بمثل قدوة للناس فمينفعش حد يشوفني بتصرف بالشكل ده، بس بناتى خط أحمر.. وأنا عمرى ما هتكبر على حد، والجمهور له فضل عليا ولكن أنا مش همشي بودي جاردات معايا".