مؤلف "بنت الجيران": "أنا مش مُسِف وكتبت أغاني بالعربية الفصحى"

كتب- محمد خميس:

قال مصطفى حدوتة، مؤلف أغنية "بنت الجيران": "قصة المهرجانات وسكتها مش سكتي على الرغم من فضلها عليَّ طبعًا، بس هو الباب اللي لقيته مفتوح لي واللي قدرت أمشي فيه، بس أنا مش مُسِف" مضيفًا: "أنا كاتب بعض الأغاني مفيهاش كلمة مُسِفَّة زي أغنية (لو على الفراق) للمغني عمر كمال، وأغنية (يا جميلتي) لأمير خطاب باللغة العربية الفصحى".

وأضاف حدوتة، خلال مداخلة هاتفية مع برنامج "مساء دي إم سي"، اليوم الأربعاء: "سكة إني اتحَط في حتّة إن الناس تاخد منّي الكلمة الشيك مالقتهاش، مالقتش قدامي إلا اللي ياخد مني الكلمة اللي في الشارع المتداولة"، موضحًا: "أغنية (بنت الجيران) مفيهاش غير كلمتين؛ هما خمور وحشيش، وماكانوش موجودين لما كتبت الأغنية لأول مرة، ولكن المطرب الشعبي حسن شاكوش، حبّ يذكر الكلمتين دول؛ لأنه عارف إنهم بيجيوا على هوى ناس".

وتابع مؤلف أغنية "بنت الجيران": "اللي شد الناس كلام كتير في الأغنية مش الكلمة المسفة، وقدرنا نثبت إن مش الخمرة ولا الحشيش ولا أي حاجة تاني شدت الناس، وأنا كاتب أغنية تاني محققة 10 ملايين مشاهدة فيها كلمة واحدة خارجة".