تعليقًا على منعهما| شاكوش: هاني شاكر أشاد بصوتي.. وعمر كمال: أنا نقابي من 4 سنين

كتب - حسن مرسي:

قال حسن شاكوش، مغني مهرجان "بنت الجيران"، إنه يؤدي كل ألوان الغناء، مضيفًا أن نقيب المهن الموسيقية الفنان هاني شاكر سبق وأن أشاد بصوته.

وعلّق شاكوش على قرار نقيب المهن الموسيقية؛ منع مطربي المهرجانات من إحياء الحفلات داخل مصر نهائيًا، قائلاً: "كل قرارات نقيب الموسيقيين فوق دماغي، ده أخويا الكبير وأنا بحترمه جدًا، بس هاني شاكر طلع في برنامج وأكد إني نجحت وصوتي حلو، أنا بغني كل الألوان، مش بس مهرجانات".

وأضاف شاكوش، في مداخلة هاتفية مع الإعلامي عمرو أديب، ببرنامج "الحكاية"، المُذاع عبر فضائية "MBC مصر"، مساء الأحد، أن "كل النجوم اللي غنوا في حفلة الاستاد عملوا بروفة إلا إحنا، وصلنا من الإسماعيلية على ستاد القاهرة، وبالفعل غيرنا مقطع (خمور وحشيش) بـ(من غير مش قادر أعيش)"، مؤكدًا أن النسختين القديمة والمعدلة كانت على الفلاشة والـ(دي جي مان) اختار الأغنية الغلط، وأن منظمي الحفلة كان المفروض ياخدوا بالهم من الخطأ ده".

قال شاكوش أيضًا: "أنا مش متسول وكنت لاعب كرة قدم وكانت أمنية حياتي أكون في ستاد القاهرة وسط الجمهور ده، وربنا كرمني في الغناء وطلعت في الاستاد"، مضيفًا: "موقعين عقود حفلات خارج وداخل مصر بشروط جزائية ومش عارفين نعمل إيه؟".

ومن جانبه، قال المغني الشعبي عمر كمال: "أنا نقابي (عضو نقابة المهن الموسيقية) من 4 سنين، بسدد رسومي بانتظام، ولحنت للفنان هاني شاكر أغنية، وعشان كلمة في أغنية أقعد في بيتي، طبقوا روح القانون".

وأضاف: "إحنا قدمنا أغانينا قدام 90 ألف متفرج، وبعد قرار المنع مش عارفين هنعمل إيه في التعاقدات اللي اتفقنا عليها مع الناس بره وجوه".