دينا الشربيني: عمرو دياب لم يخرج من المنزل منذ شهر

كتب- حسن مرسي:

علقت الفنانة دينا الشربيني، على نشر الفنان عمرو دياب لموسيقى تصويرية لمسلسلها الجديد، وقالت: "هو فى أحلى من كده؟، أنا أصلا لما بتكلم عنه شوية مش بعرف أتكلم أوى عشان مش بعرف أديله حجمه، وهو رقم واحد فى الشرق الأوسط وناجح بقاله 30 سنة، وهو دايما بيقول أنا جاى من بورسعيد عندى مشروع، عمرو دياب ممكن يفضل قاعد طول الوقت شغال، ولما بيحط إيده فى حاجة بتطلع رائعة".

وأضافت الشربيني، خلال حوارها مع الإعلامي عمرو أديب، ببرنامج "الحكاية"، المُذاع عبر فضائية "MBC مصر"، مساء السبت، "عمرو دياب عشان بيحب شغله فبيخاف على نفسه وبياخد باله من إجراءات الوقاية، ودايما بيساعدنى فى شغلى واختياراتى، وبقاله أكتر من شهر مش بينزل من البيت خالص، وبشكره جدا أنه مستحملنى فى الظروف دى، وأنا هخاف عليه ينزل يجى عندى التصوير، وهو استغل الفترة دى وبيلعب رياضة ومحافظ على جسمه".

وتابعت الفنانة: "الأرقام اللي بنسمعها تخض وعلشان كده كنا بنطمن على بعض في اللوكيشن؛ لذلك كل ٢٠ دقيقة نقوم بتعقيم أنفسنا والأماكن التي نمثل فيها".