"حقنة غلط".. فيفي عبده تكشف آخر تطورات حالتها الصحية

كتب – معتز عباس:

كشفت الفنانة والراقصة الاستعراضية فيفي عبده، عن تطورات حالتها الصحية، متابعة: "أنا كنت مريضة وتعبانة ودلوقتي بقيت بخير وكويسة".

وأضافت "عبده"، في مداخلة هاتفية ببرنامج "مساء دي إم سي" المذاع على قناة "دي إم سي"، اليوم الأحد، أنها مقيمة في المنزل وتتواصل مع الجميع من خلال تطبيقات السوشيال ميديا.

وأوضحت أن سبب إصابتها: "كنت باخد حقنة عادية من الصيدلي وأدهالي في منطقة تسببت في وجع في رجلي، ومكنتش بقدر أمشي من شدة الوجع، ومازالت بتعالج منها".

وتابعت: "الناس فاكرة أني تعبانه وبموت، وطلعوا عليا إشاعات أني عيانة وبفرفر، رغم أني دايمًا بقولهم أني كويسة، لكن هما عايزين يموتوني ويطلعوا عليا إشاعات على مزاجهم".

وعن شائعات ارتداء الحجاب، أكدت أنها كانت تصلى وتخرج لايف بالحجاب، متابعة: "الناس فكروا إنى اتحجبت.. بس الجو كان برد وطلعت بيه لايف عادي، لكن نقول ايه مهما الواحد عمل مش هيعرف يرضي الناس".