نصر محروس :"لم أوقف بهاء سلطان عن العمل وسأتنازل عن الماديات لأنه أخويا"

كتب- محمد أبوالمجد:

قال المخرج نصر محروس، إن الخلاف مع الفنان بهاء سلطان كان مختلفًا، قائلًا: "بيني وبين بهاء عشرة عمر امتدت لـ 18 أو 19 سنة، وعشرة وصداقة وحب وبعتبره ابني وبخاف عليه".

وأضاف "نصر" في حواره لبرنامج "صاحبة السعادة" مع الفنانة إسعاد يونس على برنامج "دي إم سي" اليوم الاثنين: "محاولات إزالة الخلاف بيني وبين بهاء سلطان تعطلت الفترة الأخيرة سببه عناصر خارجية"، موضحًا: "شركتي تعمل كمؤسسة لبناء نجم، ولازم بهاء يعرف أن مكنش حد يعرفه قبلنا وبعد كده الناس بقت تشده من قميصه، فاحترام العقود اتمنى من الكل ياخدوا بالهم منها".

وتابع: "دايقني هجوم السوشيال ميديا بسبب الخلاف بيني وبين بهاء سلطان واتشتمت كتير أوي، وخاصة لما يكون الهجوم ممنهج من البعض، وكانوا بيتهموني أني وقفت بهاء عن الشغل لكني لم أوقفه عن الشغل"، موضحًا: "الشتايم اللي كانت بتجيلي كتير ودايقتني بس مبحبش أطلع أنشر غسيلنا قدام الناس لأن في احترام بينا".

وأردف، المخرج نصر محروس: "الحقيقة أننا لازم نقف عند العشرة والعيش والملح والجدعنة لأننا مصريين في الآخر واتربينا على عشوائيات الحاجات دي في حياتنا ولازم نكبر للعشرة، ودا مهم أوي"، موضحًا: "هبني آخر طوبة وبهاء ماشي من شركتي وهعمل دا وانا متنازل عن ماديات وسنين عمر ولكني فرحان لأني مبسوط لأن بهاء أخويا الصغير وحبيبي وصاحبي ومش مهم حاجة تانية لأن المهم أنه يفضل بهاء سلطان".