عبير صبري عن التفاخر بالهدايا: "مش لازم أحسس الناس بالنقص في حياتهم"
كتب – معتز عباس:
قالت الفنانة عبير صبري، إن السوشيال ميديا أصبحت تشكل جزء كبير من حياة الناس والفنانين، لأنهم يقومون بعرض أعمالهم الفنية عن طريقها.
وأضافت "صبري"، في لقائها ببرنامج "مساء دي ام سي"، المذاع على فضائية "دي ام سي"، اليوم الأحد، أنه أحيانًا بعض الفنانين يشاركون تفاصيل بسيطة في حياتهم الشخصية للناس، لكن الأكثرية يستخدمون منصات التواصل الاجتماعي من أجل العمل.
وتابعت: "أنا بتجيلي هدايا من جوزي لكن ماقدرش أعرض كل الهدايا، هيا هدايا حلوة وقيمة، لكن مش شرط أنزلها على السوشيال ميديا".
وأوضحت السبب في ذلك: "بحس أنه مش لازم أقهر الناس بحجم الهدايا الكبيرة اللي بتجيلي، ملهاش لازمة أضايقهم او أحسسهم بالنقص في حياتهم أنهم معندهمش نفس الهدايا، لأن الهدايا في الأخر بلا قيمة، وحتى نوع العربية لو مختلف هي في الاخر عربية بتوصل".
وأكملت: "في حاجات لازم تكون عندنا حاجة خاصة، وأنا بخاف من الحسد جدًا وطول عمري، وممكن اشارك الناس حاجات بسيطة، والأمر بيضايقهم".
فيديو قد يعجبك:
