أحمد آدم: "سمير غانم كان بيقول جُمل كوميدية ميعملهاش غير عبقري"
كتب - معتز عباس:
كشف الفنان أحمد آدم ذكريات تمثيله على المسرح مع الفنان الراحل سمير غانم في مسرحية "موسيقى في الحي الشرقي".
وقال "آدم"، في لقائه ببرنامج "مساء دي ام سي"، المذاع على فضائية "دي ام سي"، اليوم الخميس: "أنا كنت بحب استاذ سمير غانم جدا وأول مرة شوفته لايف قدامي في مسرحية موسيقى في الحي الشرقي، وكنت بحب جورج سيدهم جدًا كمان".
وأضاف: "كنت كل يوم بتفرج على المسرحية لغاية ما حفظتها كلها، وقتها في طفل من اللي كانوا في المسرحية مجاش، وانا كنت بعمل مسرحية تبع فرقة اسكندرية المسرحية اسمها المرجيحة، طلبوني عشان امثل بدل الطفل اللي مش موجود ورحت لجورج سيدهم لأنه وقتها كان ماسك كل حاجة في المسرحية وقالي هتعمل دور الطفل دا".
وأكمل: "أنا كل الناس اللي اشتغلت معاهم استفدت منهم وأثروا فيا.. لكن أستاذ سمير كان بيقول تركيبة جمل كوميدية ميعملهاش غير عبقري".
فيديو قد يعجبك:
