"المقصر لازم يتحاسب".. أحمد العوضي يكشف مفاجأة صادمة في الأزمة الصحية لياسمين عبد العزيز

كتب- محمد أبوالمجد:

وجه الفنان أحمد العوضي زوج الفنانة ياسمين عبد العزيز، رسالة للطبيب الذي أفشى أسرارًا عن حالية زوجته: "مش عارف ليه بتطلع وتتكلم وأنت مش من فريق الاطباء المعالجين ؟! وتدافع وخلاص ؟ دي جريمة وتخالف أخلاق المهنة، دا أفشى أسرار المرضى فين شرف المهنة اللي أقسمت عليه ؟ أنك تطلع التاريخ المرضي لياسمين بأي حق ؟ لا هي مريضتك ولا انت في الفريق المعالج طب بناء على ايه تطلع التقرير".

وأضاف "العوضي" في مداخلة هاتفية لبرنامج "كلمة أخيرة" على فضائية "أون إي" اليوم السبت: "أنا مستغرب من اللي كتبه الدكتور اللي أفشي أسرار حالة ياسمين، ووصفه الطبيب المعالج بأستاذ الاجيال ؟! مهو أستاذ الأجيال دا كان هيموتها"، موضحًا: "زي ما بشكر الدكاترة اللي أنقذوا حالتها يبقى أي عضو في نقابة الأطباء ياخد رد فعل تجاه اللي أفشى أسرار حالة ياسمين".

وتابع: "قالوا إن عملية ياسمين دقيقة جدًا وممكن يحصلها زي كده مضاعفات ؟ وأنا برد وأقول لما هي عملية دقيقة إزاي الطبيب المعالج الي أنت وصفته بأستاذ الأجيال يقولها هتخرجي بعد يومين من المستشفى في حين أن المضاعفات كادت تقتلها لو كانت بتعمل عملية اللوز كانت هتعد أسبوع مش يومين ! ".

وأكد "العوضي": "لما نيجي نتكلم نتكلم بعقل لأن دي حالة مريضة ولما تقول الكلام دا وهي في فراش المرض والعناية المركزة، وأنا وقتها مكنتش هقدر أرد لأنه مكنش شاغلني ولا فارق معايا أرد، قد ما كان هاممني أن ياسمين تقوم بالسلامة، مش هقول تصريح هنا وهعمل كده وهي تعبانة".

وحول نيته لاتخاذ إجراءات قانونية ضد ماوصفه بالاهمال الجسيم في تدارك المضاعفات من قبل الطبيب المعالج، أكد "العوضي": "طبعًأً المقصر لازم ياخد جزاءه وأنا هتحرك قانونًا وأنا أثق في عدالة القضاء المصري، سواء هيحكم ليا أو لا المقصر ياخد جزاته، وزي ما شكرت الأطباء الي أنقذوها ساتخذ الاجراءات القانونية ضد الطبيب المعالج المهمل وكذا الطبيب مفشي الاسرار "

وأردف: "لما عرضت التقرير الأخير لياسمين بعد حدوث مضاعفات لها، كان رد الكتور هشام الكيلاني أستاذ المناظير بجامعة عين شمس، أن 3 ساعات والمريضة دي هتموت، في الوقت اللي شخص فيه الدكتور هشام الحالة لقينا الدكتور عصام شلباية داخل الأوضة ودا ربنا بقى، وقال المريضة دي لازم يتعملها عملية حالًأ، والدكتور المعالج بيقول أن الأعراض اللي عند ياسمين واردة".