أصالة: "أنا بحب أغني وأنا حافية أحلى من الغناء وأنا لابسه كعب"

كتب - معتز عباس:

غازلت الفنانة أصالة نصري، زوجها على الهواء، وقالت "زوجى هو اللى جابلى الفستان الجديد ده الذى أظهر به على الهواء، جابه ليا وهو جاي من السفر".

وأضافت "أصالة" خلال حوارها ببرنامج معكم المذاع على قناة سي بي سي، تقديم الإعلامية منى الشاذلي، اليوم الخميس، أنها لا تهتم كثيرًا بلون شعرها أو تفاصيل الميكب عكس اهتمامها بحياته الفنية والعملية، متابعة: "انا بهتم كتير بتفاصيل شغلي اكتر من اهتمامي بشعري حتى ستايل لبسي اللي جابه جوزي".

وتابعت: "أنا بحب أغني وأنا حافية أحلى من الغناء وانا لابسه كعب، لأني بحس أن غنايا كله بيجي من جسمي، أنا لما بغني في البيت بقف زاي راقصة البالية، وكل أعضاء جسمي بتتحرك، ولما بغني بدون حذاء جسمي بيتحرك بحس أني برقص مع صوتي".

وروت أصالة نصرى عن تفاصيل زواجها من فائق حسن، قائلة: "احنا أصدقاء من أكتر من 15 سنة، ولكن كان بحدود الفن، ونتكلم في تفاصيل الشغل بس، ومكناش مقربين حتى، والتحويل اللى حصل ده كان في يوم واحد، مفكرناش بأى حسابات وقلنا احنا الاتنين الدنيا هتتظبط علينا واننا اخدنا القرار بدون أى تفاصيل".