سمير صبري: "اللي ورايا واللي قدامي راحوا.. ربنا يخلي الرئيس بيشفيني زي ما شفى مصر"

كتب- معتز عباس:

قال الفنان سمير صبري، إن قرار الرئيس عبدالفتاح السيسي بنقله إلى أحد مستشفيات القوات المسلحة كان شيئا عظيما، معقبًا: "أتلقى عناية صحية لم أرها في حياتي من قبل، أعظم الأطباء هنا يزوروني كل 10 دقائق".

وأضاف "صبري"، في مداخلة هاتفية ببرنامج "90 دقيقة"، المذاع على قناة "المحور"، اليوم الإثنين، قائلًا: "من ساعة ما جيت المستشفى إزاي مبقاش أحسن ورئيس الجمهورية هو اللي بيشفيني زي ما شفى مصر من القرف اللي كانت فيه .. بيشفيني وبيشفي كل فنان ويقف بجانب كل فنان وأديب ومبدع، ربنا يخليه".

وأوضح، أنه كان يتلقى العلاج على حسابه الشخصي وهو ما كلفه مبالغ طائلة، لافتًا إلى أنه سيكشف المزيد عن حالته الصحية خلال 3 أيام.

وتابع:"بقالي سنة ونص بتعالج واللي ورايا واللي قدامي راحوا، والحمد لله إن الرئيس عبدالفتاح السيسي يهتم بالرجل البسيط اللي أنا زيه، وهو ده رئيس مصر، كنا محتاجينه من زمان، بحبك لأنك رجعت لي مصر ورجعت مصر للدنيا ورجعت لنا الاحترام وبحبك بسبب الإنجازات وربنا يحفظك ومعاك".

وأمر رئيس الجمهورية برعاية وعلاج الفنان سمير صبري على نفقة الدولة، وتقدمت النقابة في بيان رسمي، بأسمى آيات الشكر والعرفان للرئيس عبدالفتاح السيسي الذي أمر برعاية الفنان الكبير سمير صبري.