شيرين عبدالوهاب: حسام حبيب إداني رصاصة وقاللي دي "كادو"

كتب- محمد أبوالمجد:

كشفت الفنانة شيرين عبدالوهاب كواليس جديدة في أزمتها مع حسام حبيب، قائلة: "كنا قاعدين في الأوضة اللي شغالين فيها، طلع من الدرج علبة فيها الرصاص وأداني رصاصة قالي دي كادوا مني"، لتقاطعها الإعلامية لميس الحديدي قائلة: "هو كان موجود في البيت ليه".

وردت "شيرين" في مداخلة هاتفية لبرنامج "كلمة أخيرة" على فضائية "أون إي" اليوم الثلاثاء: " كنا بنخلص شغلنا لأنه مش بيخلص في 3 أو 4 ساعات"، لتقاطعها "لميس": "دي غلطتك إنك سمحتي له تاني يدخل البيت".

وأكدت: "أنا مش عايزة أعرف حد أسمه حسام واعتزلت الاسم دا من حياتي وهاخد إجراءات قانونية ضد فكرة سرقة عربيتي لأنه شقى عيالي لأنهم في آخر يوم كانوا هيتضربوا بالرصاص".

وقالت "شيرين": "أنا غلطانة وأسفة للناس اللي كذبت عليهم واسفة حقكم عليا أكيد في حياتكم مشاكل أهم من جوازتي السودا دي وطلعت أقولكم حقكم عليا وهرجع تاني شيرين اللي ضيعتها عشان حب عمره ما كان حب دا كان ضحك".

وأوضحت: "حسام حبيب كان عنده 3 كلمات مش بيقول غيرهم، آية المؤمن 3 إذا أؤتمن خان وإذا حدث كذب وإذا خاصم فجر، وهو أقسم بالله ما كان بيعمل غير الـ 3 دول".

وأكدت: "أنا كشيرين رجعت خلاص، وفي أغنية نازلة كمان 10 أيام تهبل"، لتقاطعها لميس الحديدي، قائلة: "ما تدندنيلي حاجة كده"، لترد شيرين: "عايزاني أغني على خيبتي؟!"، وتقاطعها لميس: "عايزة الناس تقفل المداخلة بصوتك وإنتي بتغني"، لترد شيرين: "حسبي الله ونعم الوكيل في أغنية اسمها كده طيب، عايزة حاجة أصالح بيها الناس".

واختتمت حديثها: "حسبي الله ونعم الوكيل في الرجالة اللي بتعمل كده وأنا قوية واتظلمت".