بالفيديو.. آية عبدالله تطرح ''محبتنيش''.. وجمهورها يلقبها بـ''أميرة الإحساس''

كتب- حمزة البدوي:

طرحت الفنانة الشابة آية عبدالله، نجمة برنامج ''صوت الحياة''، أغنية جديدة بعنوان ''محبتنيش''.

وبعد أن حققت أغنية آية عبدالله نجاحا على شبكات التواصل الاجتماعي، لقبها جمهورها بـ''أميرة الإحساس''، لما تحمله كلمات الأغنية من كلمات تخاطب مشاعر الجمهور.

وتقول كلمات الأغنية:
محبتنيش.. أنت كنت يادوب معايا بتحاول تنسى حكاية قبلي عشتها
ومتحلفليش و ياريت توفر كلامك ده انا لو مكانك كنت أرجعلها
بتحبها و مش قادر تحب غيرها و اللي فيها مش لاقيه في واحده غيرها
ده حتى لو نستها ثواني ترجع تفتكرها
محبتنيش.. لو مهما تكدب عليا أنا مش هكدب عينيا و حقيقة شوفتها
و ليه هعيش ليك وأنت عايش عشانها أنا عمرى ما آخد مكانها وأنت عايشلها
بتحبها و مش قادر تحب غيرها و اللي فيها مش لاقيه في واحده غيرها
ده حتى لو نستها ثواني ترجع تفتكرها
محبتنيش..

''محبتنيش''.. غناء آية عبدالله، وكلمات أحمد سرور، وألحان كريم طارق، توزيع و هندسة صوتية جو حنا، جيتار أحمد أبو القاسم، كلارينت محمد سعيد، صولو كمان مارينا نبيل، من إنتاج شركة ''2 hits sound studio''.

يذكر أن، آية عبدالله حصلت على المركز الثالث بمهرجان الموسيقى العربية العشرين لعام 2011، واشتهرت بغنائها لأم كلثوم و نجاة و وردة و فايزة و عبد الحليم و عبد الوهاب و أسمهان و فريد الأطرش.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك ... اضغط هنا