أحمد حلمي: "معملتش أي حوارات صحفية إلا اذا كنت بتكلم وأنا نايم"

كتبت ـ سحر عزام:

أكد الفنان أحمد حلمي أنه لم يجري أي حوارات صحفية خلال الفترة الماضية، مشيراً أن أي حوار صحفي منسوب له لا يمثله في شيء - حسب قوله.

وكتب حلمي عبر صفحته الرسمية على موقع التواصل الاجتماعي "الفيس بوك" :" جالي ماسيج من صديق مكتوب فيها "بص كده علي اللينك ده .. كلامك غريب جدا " مفهمتش الماسيج بصراحة .. بس دوست علي اللينك ففتحت صفحه لجرنال عربي معروف .. لقيت صورتي وتحتها حوار طويل وسين وجيم .. المفروض ان ده حوار انا عملته مع صحفي في الجريده دي .. بس ازاي !! .. ده انا بقالي سنين معملتش أي حورات صحفية .. إلا اذا كنت بتكلم وأنا نايم بقي".

وأضاف أحمد حلمي :" ولما قريت الحوار فهمت الماسيج بتاعت صديقي الصحفي .. ان كلامي غريب .. ده مش بس غريب .. ده كمان مريب .. فرديت علي الماسيج بتاعت صديقي وقولتله " تصدق فعلا كلامي غريب جدا .. عارف ليه .. لان مش انا اللي قايله .. ده كلام مضروب، أنا حبيت بس اقول ان أنا معملتش أي حوارات صحفيه خالص .. وأي حوار أو كلام أو رأي منشور أنا ماليش دعوه بيه ولا يمثلني في شيء .. شكراً".

وكانت صحيفة "الراي" الكويتية قد أجرت حوارا مطولاَ مع أحمد حلمي، قال من خلال أن أحداث فيلم "صنع في مصر" مختلقة عن الفيلم الأمريكي "تيد"، وأنه يتمنى تجسيد دور كلب بعد تجسيده لدور قرد ودبدوب حسب قول الصحيفة.

لمتابعة أهم وأحدث الأخبار اشترك الآن في خدمة مصراوي للرسائل القصيرة.. للاشتراك...اضغط هنا