بعد وصوله لـ"كان".. محمد دياب: "اشتباك" ليس فيلماً سياسياً

كتبت- منى الموجي:

أعرب المؤلف والمخرج محمد دياب عن سعادته باختيار فيلمه "اشتباك" للمشاركة في مهرجان "كان"، والذي من المقرر انطلاق دورته الجديدة في 11 مايو المُقبل.

وكتب دياب على حسابه الشخصي على موقع "فيسبوك": "الحمد لله تم اختيار فيلم اشتباك في مهرجان كان، قسم نظرة ما Un certain regard، الفيلم عمل جماعي فلازم اشكر كل شخص تعب في الفيلم وبذل اضعاف الجهد المتوقع وده يشمل كل شخص اشتغل في الفيلم في كل قسم... انتوا أبطال".

وأشار دياب إلى أنه حلم بالمشاركة في مهرجان كان بهذا الفيلم تحديدا، منذ أن طرح فكرته شقيقه وشريكه في كتابة الفيلم خالد دياب منذ عامين ونصف، مضيفا "اللي شجعني إني أحلم هما المخرجين المصريين والعرب اللي عملوا أفلام عظيمة شرفتنا في كان وغيره من المهرجانات وفي السنتين اللي فاتوا كانوا متنافسين علي الأوسكار".

ونفى دياب صحة كل ما يُنشر عن قصة الفيلم، موضحا "قاعد اقرى تنبؤات عن قصة الفيلم مش دقيقة ومتعبرش عن الفيلم... فهستأذن الأصدقاء الصحفيين يستنوا لما يشوفوا الفيلم".

وتابع "أنا كمخرج اتمني كل الناس تشوف الفيلم حالاً، الفيلم بيتحول زي ابن ليك وبيتولد لحظة مالناس تشوفه... واللي بتسألني الفيلم عن ايه؟ فالفيلم مش سياسي زي ما متخيل... بالنسبالي هو إنساني بيختبر انسانية شخصياته".

"اشتباك" تأليف محمد دياب وخالد دياب، بطولة نيللي كريم، هاني عادي، أحمد مالك، الطفل أحمد داش، طارق عبدالعزيز، جميل برسوم، عمرو القاضي، وخالد كمال، والفيلم من إخراج محمد دياب، وإنتاج محمد حفظي.