كيف علق علي ربيع على سرقة "حسن وبقلظ" بعد أيام من طرحه؟

كتبت- منى الموجي:

بعد أيام قليلة من طرح فيلم "حسن وبقلظ" في دور العرض السينمائية، وجد صُنّاع العمل أن الفيلم تم رفعه على أحد مواقع الانترنت المعروفة بقرصنة الأفلام السينمائية.

وعبر بطل الفيلم الفنان علي ربيع عن استيائه من تعرض فيلمه للسرقة، وكتب على حسابه الشخصي على موقع "فيسبوك": "يا جماعة الناس اللي بتسرق الفيلم من السينما ربنا هينتقم منهم، إنما اللي بيشيرو الفيلم من الناس العادية انتو كدا بتساهموا في السرقة.. أرجو محدش يشير عشان ميضيعش تعب كاست كامل مكون من أكتر من 150 واحد".

كما عبرت الفنانة إسراء عبدالفتاح زميلته في "مسرح مصر" عن استيائها من تعرض الفيلم للسرقة، وكتبت عبر حسابها الشخصي على موقع "انستجرام": "للناس اللي سربت الفيلم، يعني اتقوا الله في مجهود ناس طلع عنيهم عشان يطلعوا فيلم بالحلاوة دي، اتقوا الله في الناس اللي سبب مجهودهم وتعبهم انهم يبسطوكوا ويطلعوا الضحكة اللي بجد من قلوبكوا".

وتابعت إسراء "السرقة حرام وتشجيع السرقة حرام، لكل جمهور ربيع وكريم فهمي وأوس أوس وخاطر ويسرا اللوزي، ارجوكوا متساعدوش الناس اللي سربت الفيلم بإنكوا تشيروه او تشوفوه، ساعدوا النجوم اللي تعبت بجد وشجعوهم وقدروا تعبهم بإنكوا تدخلوا الفيلم في السينما".