المخرج محمد دياب يرشح " يوم الدين " للأوسكار

كتب-مصراوي:

حرص المخرج محمد دياب على التعليق على مشاركة الفيلم المصري" يوم الدين " في مهرجان كان السينمائي الدولي، وذلك عبر حسابه الخاص على موقع التواصل الاجتماعي فيسبوك، وعبر دياب عن إعجابه الشديد بالفيلم وبطله " المريض الحقيقي" بالجزام، وتمنى أن يُشارك في الأوسكار، الذي وعد بمنحه صوته له للمشاركة بمجرد فتح باب التصويت.

وكتب دياب:

كنت من المحظوظين اللي شافوا فيلم المخرج أبو بكر شوقي "يوم الدين"، اللي تم اختياره للمسابقة الرسمية لمهرجان كان، وبدون مبالغة ده من أروع وأعذب وأحلي الأفلام العربي اللي شوفتها في حياتي!!".

واستكمل:" لما قابلت أبو بكر من عشر سنين واداني نسخه من فيلمه القصير اللي عن مريض في مستعمره جزام، قلبي ما طاوعنيش إني أشوف الفيلم ... فلما عرفت إنه بيحول فيلمه لفيلم طويل اعتبرت ده انتحار، خاصه لما اختار بطل الفيلم مريض حقيقي بالجزام".

وأوضح:" كنت شايف ده جراءه ما بعدها جراءه ... بس المفاجأة الكبيرة لما شوفت الفيلم، وقعت في غرام مريض الجزام وبقيت نفسي احضنه ... عبقريه الفيلم إنه فيه كل العناصر اللي تحوله بسهوله لميلودراما بس ده عمره ما حصل ... تمكن حقيقي من عناصر الفيلم تخليك تضحك وتدمع وتستمع خلتني مش عاوزه يخلص".

واستطرد:" السنة اللي فاتت كنت عضو في لجنه تحكيم كان، وشوفت ١٨ فيلم، وبالتأكيد الفيلم ده أحلي منهم كلهم، وفعلاً يستحق يبقي في المسابقة الرسمية مع إن ده بيحصل قليل جدًا جدًا لمخرج أول مرة، واعتقد أول مره تحصل لمخرج عربي.

واختتم:" ان شاء الفيلم يأخد جايزه مستحقه وعلى الاقل هتكون لبطل الفيلم "راضي جمال"، ولو الدنيا عادله هنشوف الفيلم ده في الأوسكار، انتوا ضمنتوا صوتي في تصويت الأوسكار".

"يذكر أن "يوم الدين" من تأليف وإنتاج وإخراج أبو بكر شوقي، إنتاج دينا إمام، منتج مشارك محمد حفظي، تصوير فيدريكو سيسكا، تصميم إنتاج لورا موس، بطولة راضي جمال وأحمد عبد الحافظ.