مخرج "حرب كرموز" يقدم "حملة فرعون" في 2019 ويكشف علاقته بـ"شمس الزناتي"

كتبت- سما جابر:

كشف المخرج بيتر ميمي عن أعماله في عام 2019، حيث كتب عبر حسابه على موقع انستجرام: "المفروض إن شاء الله عندي فيلمين الفترة اللي جاية وحبيت اقول كلمتين قبل الخبط والرزع والهبد والهرتلة بتاعة العيال الجامدة".

وأضاف: "سنة 1954 تم إصدار فيلم (الساموراي السبعة) في اليابان من إخراج (اكيرا كوروساوا) بيحكي عن قرية يحكمها قطاع الطرق وأهلها استعانوا بشخص قام بتنجيد ستة رجال آخرون لمحاربة العصابات، وسنة 1960 قام المخرج الأمريكي (چون ستورجس) باقتباس القصة في فيلمه (العظماء السبعة) the magnificent seven لـ(يول براينر) و(ستيڤ ماكوين) بس الموضوع بقى رعاة بقر وكده".

وواصل "ميمي" ذكر عدد من الأفلام المؤثرة والمهمة في مصر وخارج مصر والتي اقتبست من هذه الأفلام، مع ذكر أبرز أبطالها، ومنها فيلم "شمس الزناتي" لعادل إمام و"العظماء السبعة" لدنزل واشنطن.

واختتم قائلًا: "المهم أنا مش عايز أقول إن فكرة الـ(remake) أو الاقتباس موجودة، بس عايز أقول إن في 2019 إن شاء الله استنوا فيلم (حملة فرعون) مستوحى من الساموراي السبعة وإن شاء الله مفترض يكون أضخم إنتاج في 2019، ربنا يكرم ويكون عمل محترم وشكل مختلف من أفلام الأكشن".