عمر طاهر يهاجم صناع فيلم "الخطة العايمة": "ده شغل تاجر عربيات مسروقة"

كتب_هاني صابر :

هاجم الكاتب والروائي عمر طاهر، صناع فيلم "الخطة العايمة" عقب طرح البوستر الرسمي للفيلم المقرر طرحه بدور السينما يوم ٦ أكتوبر المقبل.

ونشر "طاهر" البوستر الرسمي للفيلم، عبر حسابه بموقع تويتر، وعلق: "‏صاحب القرار في المشروع ده صعب يكون له علاقة بالفن.. ده شغل تاجر عربيات مسروقة كيّاد".

وتابع: "طب كنت سبته الخطة العامية بدل ما تضرب مفك في عينك وعين الناس التانية، اللي أنا متأكد منه إن الشابين اللي كاتبين الفيلم وده أول شغل ليهم، مالهمش علاقة بالقصة و بتمنى لهم من كل قلبي التوفيق والنجاة".

الفيلم تم تغيير اسمه من" الخطة العامية" إلى" الخطة العايمة "، بعدما انتقد الكاتب عمر طاهر، في وقت سابق، صناع الفيلم بعد طرح أفيش دعائى للعمل وذلك بسبب تطابق اسمه مع اسم فيلم كتبه بعنوان "الخطة العامية" أيضا منذ 4 سنوات، بطولة محمد هنيدى وإخراج إسلام خيرى، وكان من المقرر تصويره لكن تم تأجيله.

وكتب عمر طاهر، وقتها تغريدة عبر تويتر، قائلا : "مش من قلة الأسامي يا جماعة.. ما المشروع الناس كلها عارفاه".

فيلم "الخطة العايمة" بطولة على ربيع، محمد عبدالرحمن، غادة عادل، عمرو عبد الجليل، بيومى فؤاد، بسنت صيام، هشام محمد شرف، وهو من تأليف أحمد عبدالوهاب وكريم سامى، ومن إنتاج شركة آل رمزي (شهد محمد رمزي)، وشركة أوسكار (وائل عبد الله).

الفيلم تدور أحداثه في قالب أكشن كوميدى، حول عصابة تخطط لسرقة أحد البنوك، ومع تتابع الأحداث تقع العديد في المفارقات الكوميدية، وذلك مع محاولات أفراد العصابة سرقة البنك.

صاحب القرار ف المشروع ده صعب يكون له علاقة بالفن ده شغل تاجر عربيات مسروقة كيّاد. طب كنت سبته الخطة العامية بدل ما تضرب مفك ف عينك و عين الناس التانية.
اللي أنا متأكد منه إن الشابين اللي كاتبين الفيلم و ده أول شغل ليهم مالهمش علاقة بالقصةو باتمنى لهم من كل قلبي التوفيق و النجاة. pic.twitter.com/o0wPQ5MPFv

— عمر طاهر (@omertaher) September 25, 2020