هالة جلال: أحببت بطلات "من القاهرة" وحكيت عما لمس قلبي

كتبت- منى الموجي:

ضمن فعاليات مسابقة آفاق السينما العربية، تم عرض الفيلم التسجيلي "من القاهرة" للمخرج هالة جلال، على المسرح الصغير، وأقيمت ندوة حضرتها المخرجة وبطلات الفيلم، كما شهدت حضور المنتج محمد العدل والناقد طارق الشناوي، وأدارها مدير المسابقة رامي عبدالرازق.

وقال العدل في كلمة له "بدأت أتفرج وأنا مش فاهم أبطالك وخلصت وأنا حاببهم وحابب اتعرف عليهم، وهالة بنتي وطلبت مني اشوف الفيلم مرضتش اشوفه غير وسطكم سعيد اوي إني شفته ألف مبروك".

وقالت هالة "تعرفت على بطلاتي من خلال أصدقاء مشتركين، واتصاحبنا ده بالنسبة لهبة، لكن اية بقى مفاجئة هي مونتيرة الفيلم، ودي مهمة مش سهلة، ابتديت اكتشف انهم بيعملوا حاجات مذهلة حبيتهم وحبيت احكي عن اللي لمس قلبي ونقله للشاشة، أول مرة صورنا من حوالي خمس سنين الفيلم كان بيتوقف لعوامل متعددة لها علاقة بمشاكلي أنا وحصل خير والحمد لله".

أما هبة إحدى بطلات الفيلم، فقالت "قسمت طلبت مني وقالتلي عايزين نعمل فيلم وعرفتني على هالة فيه بينا أصدقاء مشتركين كتير جدا، وبقينا أصحاب مكنتش مصدقة إن الفيلم هيخلص لإني نسيت إننا عملناه من زمان، تخيلت يطلع في يوم من الأيام فخورة بالمخرجة واني جزء منه".

وتحدثت آية بطلة الفيلم والمونتيرة "كنت شغالة على فيلم هبة واتعرفت أنا وهالة بنفكر في الفيلم بتسأل عن حياتي، حكيت لها كل شوية تقولي ايه معقول، وطلبت تصور معايا قلتلها معنديش أي مانع".

"من القاهرة" هو فيلم مصري للمخرجة هالة جلال، التي تستعرض من خلاله مدينة القاهرة في محاولة لأن تسكت خوفها الخاص منها، حيث تتبع المخرجة فتاتين تعيشان في العاصمة تعانيان من القسوة والنفور والتحرش، والاستعداد لقبول المرأة فقط في وضع المفعول به.

الفيلم ينتمي إلى تسجيلية المعايشة، بطلته الرئيسية هي المخرجة التي تفتش في القصص وليس عنها.