مخرجة فيلم "تاج" تامر حسني: "كتب مشاهد صعبة وقالي أنا في تحدي"

كتب- مروان الطيب:
يواصل النجم تامر حسني الترويج لأحدث أعماله السينمائية هذا العام وهو فيلم "تاج".

ونشر "تامر" عدد من الصور والفيديوهات الخاصة بـ خضوعه لتدريبات بدنية شاقة للوصول للجسم المثالي للشخصية، وذلك عبر حساباته المختلفة على مواقع التواصل الاجتماعي منها "انستجرام" إذ نشر فيديو جديد من كواليس الفيلم والذي ظهر خلاله وهو مع أحد مدربي اللياقة البدنية.

إلى جانب ظهور مخرجة الفيلم سارة توفيق والتي أشادت بالمجهود الذي يبذله "تامر" بالكواليس قائلة: "لما بدأ يكتب الفيلم كتب مشاهد صعبة جداً جداً حتى أنا كنت بقوله يعني يا تامر المشاهد دي هتتنفذ إزاي، يعني أنا مش عارفة هنفذها إزي لإنها صعبة، فهو قالي لا أنا في تحدي إن أنا أقدر يعني أكتبها صعبة عشان أنا أبقي في تحدي أقدر أنفذها كده بالظبط".

واستكملت "سارة" حديثها عن تامر حسني "في حركات معينة كده كان مصمم يعملها بنفسه هو لما بيحط حاجة في دماغه إنسي بقي خلاص لازم يعملها".

أما عن مدرب اللياقة البدنية الخاص بتامر حسني تحدث عنه قائلاً :"كل اللي اتفقت مع تامر عليه عمله بالظبط، قد إيه كان ملتزم قد إيه التطور اللي أنا شوفته في الـ 6 شهور دول مشوفتوش في الـ 15 والـ 16 سنة اللي أنا أعرف فيهم تامر حسني".

وفيلم "تاج" يقوم بكتابته وبطولته تامر حسني ويشاركه البطولة كلاً من ماجد الكدواني، سوسن بدر، شيرين، حجاج عبد العظيم، إياد نصار، محمد عبد الرحمن وعصام السقا والمقرر عرضه تجارياً خلال العام الجاري.

View this post on Instagram

A post shared by Tamer Hosny (@tamerhosny)