''هنقاطع الإسفاف في العيد'' حملة لمواجهة الفن الهابط

كتب - محمد الحكيم:

شن مستخدموا شبكات التواصل الاجتماعي على الإنترنت حملة لمقاطعة أفلام عيد الأضحى المبارك التي ستعرض في السينمات، وتداولوا ''بوستر'' كبير يضم كل من أفلام ''القشاش''، و''عش البلبل''، و ''هاتولي راجل''، مكتوب أعلاه ''هنقاطع الإسفاف في العيد.. خد بالك مصر مش رقاصة وبلطجي''.

ويبدو أن العامل المشترك في الثلاثة أفلام وجود شخصيتين ''الراقصة''، و ''البلطجي''، وتجميعة من المواقف الكوميدية التي لها سيناريو وصفه البعض بـ ''الهابط'' الذي لا يناقش قضية بعينها يعاني منها المجتمع المصري، خاصة في تلك الأوقات التي تعج بالأحداث السياسية والتي تنعكس بالطبع على الواقع الاجتماعي المصري.

ومن بين التلعيقات على تلك الحملة تعليق: ''Nadaa Samir :* ‏@NadaNona11168'': ''هنقاطع الاسفاف !! هنقاطع السينما فـ العيد .. و فـ كل وقت !!مـصـر مـش رقاصه و بلطجى !! -_-''.

وقال ''Mohammad Shaheen '': ''Totally agree , هنقاطع الاسفاف ، مع اني عارف مسبقا ان الناس اللي بتروح الافلام دي قليل منهم على تويتر ''، وقالت ''Hoda Abdel Zaher'': ''هو ممكن اقول حاجة للجماعة بتاعت #هنقاطع_الاسفاف>>انزلوا للجماهير الغفيرة في المناطق الشعبية و الاحياء القديمة و اتكلموا معاهم ان كدا عيالهم هيبوظوا و الجيل هيطلع مش متربي..يمكن الايرادات تقل شوية العيد دا..اصلي متوقعه ايرادات جبارة الصراحة العيد دا لافلام الهلس المعروضة ..عشان احنا دايما بندن في مالطة..عيد × عيد يمكن الناس يبقي عندها وعي..

المجتمع المصري محتاج وعي عشان يبطل هلس و يبطل اغاني شعبي و يبطل يضغط علي عياله يخشوا طب و هندسة و ف الاخر يشتغلوا حاجة تانية..ما هو اوعي تفكر ان الطبقة البسيطة هي اللي غلبانة في مخها ياما ناس متعلمة مخها ميسواش بصلة''.

لمتابعة أهم وأحدث الأخبار اشترك الآن في خدمة مصراوي للرسائل القصيرة واغتنم الفرصة واكسب 10000 جنيه أسبوعيا، للاشتراك ... اضغط هنا