أمير عيد لأحد متابعيه عن حفل "المنارة": هنغني أغاني تخاف تسمعها لوحدك بالشارع

كتبت- منى الموجي:

يستعد فريق "كايروكي" لإحياء حفل غنائي كبير، في مركز المنارة الدولي للمؤتمرات على طريق الـNA بالتجمع الخامس، يوم 22 ديسمبر الجاري.

وكتبت الصفحة الرسمية للفريق على "فيسبوك": "وعدناكم قبل كدا إنكم هتحضروا أكبر حفلة فى تاريخ كايروكي، وإنكم هتعيشوا معانا يوم ما يتنسيش، كانت أهم حاجة بالنسبالنا إننا نوفي بوعدنا، وقدرنا نرجعلكم اليوم ده وبنفس الحماس، معادنا الجمعة الجاية ٢٢ ديسمبر بمركز المنارة الدولي للمؤتمرات على طريق الـNA بالتجمع الخامس".

وأضاف "بعد ما التذاكر كانت خلصت المرة اللي فاتت، دلوقتي تقدروا تحجزوا تذاكر إضافية، كل اللي لسه معاه تذاكر من المرة اللى فاتت يجي بيها، واللي مش هيقدر يجي ممكن يرجع تذكرته بكل سهولة من خلال تيكتس مارشيه".

وأعاد نجم الفريق، أمير عيد نشر تفاصيل الحفل الجديد، وقام أحد متابعيه بتوجيه سؤال له، عما إذا كان سيغني "ناس وناس" و"ديناصور" في قاعة الجيش، ورد أمير "هنغني الاتنين وأغاني تانية كتير انت تخاف تسمعها وانت ماشي في الشارع لوحدك.. ومش هنغني في قاعات احنا واخدين الباركينج الكبير اللي أمام قاعه المؤتمرات، عشان يكفي العدد إن شاء الله اللي هيحضر"، وتابع في تعليق آخر "كلنا غلابة وبنحاول نتمسك بمبادئنا وبنحاول منتغيرش وننتصر".

يُذكر أن "كايروكي" كان من المقرر أن يحيي حفل غنائي بالتجمع الخامس، في 8 ديسمبر الجاري، وتم إلغاء الحفل، لأسباب تتعلق بتأمين الجمهور، حسب ما كتب الفريق على صفحته عبر "فيسبوك".