خاص| صاحب واقعة "قال فاكرينك" مدافعًا عن عمرو دياب: "كان بيهزر"

كتبت- منى الموجي:

انتقد عدد من الجمهور الفنان عمرو دياب، بعد انتشار فيديو من حفل أحياه "الهضبة" مساء أمس الخميس، في جامعة مصر الدولية، يرفض خلاله تقديم أغنية "قال فاكرينك"، بعدما طلبها منه أحد الحضور.

"مصراوي" تواصل مع صاحب الواقعة عمرو وائل، وهو طالب يدرس إدارة أعمال في جامعة مصر الدولية، وحكى في تصريحات خاصة تفاصيل ما حدث، قائلًا "اللي حصل إن أنا واتنين صحابي قعدنا نقول قال فاكرينك، فقالي يا عم مش هغنيها منا لو عايز كنت نزلتها في الألبوم انت مش هتمشيني علي مزاجك، لو مش عجبك متسمعنيش"، مضيفًا ضحكت واعتذرت لعمرو "ضحكلي وقالي أيوه كده".

وتابع "أنا مش زعلان منه، هو كان بيهزر وكل الناس عارفة إن هو كان بيهزر، وأنا مش زعلان أنا أصلا بحبه جدًا والله، وطلبتها مرتين بس والناس كلها بتهبد اللي حصل إن هو كان بيهزر أصلًا وكان بيضحك وهو بيتكلم".

وانتقد وائل الهجوم على الهضبة، قائلا "أنا شايف الناس بتحكم على حاجة هما مكنوش فيها ومحضروهاش، ملهمش إنهم يتكلموا أصلا طالما مكنوش موجودين".

عمرو وائل من محبي عمرو دياب، ويحرص على متابعة كل جديد له منذ عام 2004، ويعشق الكثير من أغانيها، لكن أقربها إلى قلبه "ورضيت، راجع، أنا مهما كبرت صغير، قال فاكرينك، والليلة، أنا مش أناني".

يُذكر أن الشاعر بهاء الدين محمد صاحب كلمات "قال فاكرينك"، أعاد نشر الفيديو المتداول على صفحته، معلقًا "في حد يعمل كده؟!، الأغنية دي مبقتش أغنيتي ولا أغنيتك!!.. دي أغنية الجماهير !!أول مرة أشوف حد بيحارب نجاح أغنية له !!، معلش.. (الحقيقة) مُرة.. ولسه".