بعد إعلان ندمه على كتابته أغنية للأهلي.. أمير طعيمة يتعرض لهجوم شديد

كتب- ضياء مصطفى

تعرض الشاعر الغناني أمير طعيمة لهجوم شديد، بعد أعلنه ندمه على كتابة أغنية "نادي المبادئ"، التي أهداها لمحمود الخطيب، رئيس النادي الأهلي، وقت الحملة الانتخابية.

واعتبر البعض أن ما فعله طعيمة بدافع علاقته بتركي آل الشيخ، رئيس هيئة الترفيه السعودية، الذي أعلن بيعه لنادي بيراميدز، وتصفيه استثماراته الرياضية في مصر.

وجاء إعلان طعيمة بسبب الهجوم عليه، عقب نشره تأكيد آل الشيخ بأن كل التعاقدات الفنية سارية.

وكتب طعيمة عبر حسابه على فيس بوك: "الناس كلهم عارفين إني مش أهلاوي ولا زملكاوي، وإن كان احترامي للاهلي ككيان احترام كبير، وعشان تفهموا اللي هقوله كويس لازم تدخلوا علي صفحتي الرسمية وتشوفوا تعليقات جمهور الأهلي المحترم علي آخر بوست رغم أنه بوست فني، المختصر المفيد أنا حاليا ما بكرهش في حياتي قد الاهلي طالما ده جمهوره، هتقولي قلة؟ هقولك رغم أن مفيش تعليق واحد يتوصف بالاحترام لا علي فيس بوك ولا تويتر، بس حتي لو قلة يغوروا بناديهم، حاجة في منتهي القذارة و الوساخة. وبعلن ندمي واعتذاري لنفسي على أغنية نادي المبادئ اللي أهديتها للخطيب في حملته الانتخابية

.

وتابع: "اللي مش عاجبه الكلمتين دول يخرج من عندي عشان ما أخسرش حد علي موضوع تافه. ملحوظة مهمة: أنا عمري ما اتكلمت عن الأهلي أو غيره بعدم احترام، بس طبعا ده كان ياما كان".

واختتم: "تحديث: كلامي واضح أنا قلت إن الأهلي بقي أكتر حاجة بكرهها في حياتي وما قلتش إني بكره وهكره كل شخص بيشجع الأهلي، أكيد أنا مش مجنون وفيه مقربين مني أهلاوية وأكيد محترمين".