"الهضبة" توقع الجدل.. تامر حسين يكشف تفاصيل أغنية "يوم تلات"

القاهرة - مصراوي:
نشر الشاعر الغنائي الكبير تامر حسين، عبر حسابه الشخصي بموقع "فيس بوك" تدوينة يحكي بها قصة أغنية "يوم تلات" للفنان عمرو دياب.

وكتب تامر حسين: "كلمة حق لأصحابها، للأمانة الفنان عمرو دياب عنده وجهات نظر وتفاصيل في حاجات بسيطة بس بتبقى في منتهى الذكاء والخبرة، وأشهد له بده، وأنا باخد من صديقي عزيز الشافعي لحن الأغنية دى أكتب عليه كان وهو بيدندن اللحن بيقول في القفله (فتفتوا الفتافيت وفتنونى)".

وأضاف حسين: "استوحيت منه فكرة العزومة على السطر ده، وبنيت سيناريو وحوار الأغنية وبدأت أتخيل مين هما التلات بنات وأشكالهم إيه، وللحظة بعد ما خلصت قلت أغير السطر بتاع فتفتوا الفتافيت مع إنه عامل رونق للأغنية ودمه خفيف في الغنا، وكانت القفلة (هما أحلى ما شٌفت بعيونى) والفنان عمرو دياب كان عنده بعد نظر فى الجدل اللى هيحصل على السطر ده وتمسك بيه".

وتابع حسين: "وأهو السطر ده اللى لفت نظر الجميع فى الجدل والكوميكس والسطر ده اللى ألهمني فكرة الأغنية أساسًا، وللأمانة وحقه كمان الموزع صديقي أسامة الهندي، هو اللي سمعها لـ عمرو وكان متحمس للتغيير ودى تحسب له هو كمان".

وطرح الفنان عمرو دياب أغنية "يوم تلات" على تطبيقات الأغاني المختلفة، من كلمات تامر حسني وألحان عزيز الشافعي وتوزيع أسامة الهندي.