تامر حسين يكشف عن رأيه في الجدل المُثار بسبب تعاون "روتانا" وحمو بيكا

كتب- هاني صابر:

كشف الشاعر الغنائي تامر حسين، عن رأيه في حالة الجدل المثار بسبب إنتاج شركة روتانا أغنية جديدة لحمو بيكا تحمل اسم "إيه الحكاية".

وكتب تامر، عبر حسابه على فيسبوك، قائلاً: "أنا لا يعنيني بالمرة شركة الإنتاج تمضي مع مين؟، دي شركة وبتدور على ربح ومكسب أياً كان المحتوى.. بس حقيقي يصعب عليا إحباط أصوات طربية وناس فنانين، يستاهلوا فُرص تليق بحجم موهبتهم ودراستهم الأكاديمية".

وتابع: "وخطورة الموضوع بالنسبالي إنه بيولد الحقد والغِل لأن المطرب المتميز المتمكن بيحس إنه ضيع سنين عمره في دراسته أو موهبته في الهوا دون أي تقدير لحجم الموهبة دي.. وكنت أتمنى تقدموا فرص حقيقة للشباب الموهوبين ونتكاتف

عشان نطلع أم كلثوم جديدة ولا عبد الحليم جديد ولا محمد عبده، ولا صوت جديد لا جه زيه ولا في حد شبهه زي نجومنا الحاليين.. اللي حفروا أساميهم بتاريخ مُشرف ".

وأضاف: "مش بركب موجة.. بالعكس، كامل إحترامي وتقديري للشركة وإختياراتها وللناس اللى إختارتهم وكامل إحترامي لمُختلف الأذواق حتى لو مش شبه ذوقي الشخصي.. ولكن ده بوست للتذكير إفتكروا إن في أصوات عظيمة محتاجة فرصة تشوف النور (راعوهم) بيحزنوا على نفسهم لما يشوفوا الفن والقائمين على الصناعة مُهتمين بأشياء أخرى".