حمو بيكا: قررت أرفع قضية على نقابة المهن الموسيقية.. أنا عايز العدل

كتب- عبد الفتاح العجمي:

أعلن مطرب المهرجانات حمو بيكا، إن مصر دولة قانون، لافتا إلى أنه ينوي مقاضاة نقابة المهن الموسيقية.

أضاف بيكا، خلال حواره ببرنامج "كلام الناس" عبر قناة "mbc مصر": "مصر دولة قانون، وأنا الأيام الجاية في حاجة بعملها، هرفع قضية على النقابة كلها، ومش قضية صغيرة، قضية كبيرة، وحتى لو مكسبتش القضية دي هوصل صوتي للناس إني مظلوم".

تابع: "هفضل أقول وهفضل أصرخ دايما، المرة الجاية هقول أسماء كل الناس اللي ظلموني واللي لحد الآن بيظلموني، محدش حصل معاه زيي عشان طيب، أنا عايز العدل".

جدير بالذكر أن نقابة المهن الموسيقية أكدت أنها لن تمنح حمو بيكا تصريحا بالغناء إلا بعد اجتيازه اختبارات النقابة بنجاح.

وكانت نقابة المهن الموسيقية، أعلنت في 17 نوفمبر 2021، عن قائمة تضم مطربين وفرق مشهورة بتقديم المهرجانات، شملها قرار المنع من الغناء، وهم: أبو ليلة، الديزل، الزعيم، العصابة، المدفعجية، أوكا وأورتيجا، حسن شاكوش، ريشة كوستا، علي سمارة وأحمد عوت، الدخلاوية، ولاد سليمان، حمو بيكا، شواحة، نجوم المهرجانات، علاء فيفتي، عمر كمال، عمرو حاحا، فرقة الصواريخ، فرقة العفاريت، فرقة الكعب العالي، كزبرة وحنجرة، مجدي شطة، وزة مطرية، وعنبة.