رنا سماحة تطرح كليب "حبيب مامي" (فيديو)

كتب- عبد الفتاح العجمي:

طرحت المطربة رنا سماحة، فيديو كليب أحدث أغانيها "حبيب مامي"، من كلمات أحمد حسن راؤول، ألحان محمد فخراني، وتوزيع جلال فهمي.

وأهدت رنا، الكليب لمولودها "مالك"، الذي رُزقت به من زوجها الملحن سامر أبو طالب في ديسمبر من العام الماضي، واستعانت في الكليب بلقطات حقيقية لها من فترة الحمل والولادة.

وتقول كلمات أغنية "حبيب مامي": "يا حبيب مامي وروح مامي، جيت خليت الدنيا دي غير، من وأنت يدوب جوايا، وأنا طايرة من الفرحة دي طير، حتة من الروح والقلب، واخد كل التفكير، عوضي من الدنيا يارب يخليك ليا وتبقى بخير، ياختي ياختي ياختي، عاللي جالي وبقى من بختي، مهما يا سنيني يوم بوختي، ضحكته تنورلي الدنيا، ياختي ياختي ياختي عالدلع ده، ده اللي جنن كل القعدة، هبقى حاضناه ولأ مش باعده، عنه يوم يوم إيه لأ ولا ثانية، أنا جهزتلك الأوضة وكلها زينة لحد الباب، عايز تلعب ده أنا جايبة عشانك بص في كوم ألعاب، عيش كسر فيها براحتك، تاني يوم غيرها هيتجاب، أنت تقول ماما في ثانية، هتتفتح كل الأبواب".

جدير بالذكر أن المطربة رنا سماحة تزوجت الملحن سامر أبو طالب في ديسمبر 2020، ومع بداية الحمل نشبت أزمة بين الزوجين أعقبها فترة من الانفصال، قبل إعلان الملحن في أبريل 2021 انتهاء الأزمة التي نشبت بينه وبين زوجته.