عقب وصفها له بالمستفز.. حسن شاكوش يرد على شذى: هي دي مغنية؟

كتب- حسن مرسي:

رد مغني المهرجانات حسن شاكوش، على الفنانة شذى بعدما انتقدته وقالت إنه لا يجيد الحديث، قائلا: "هي بتغني؟.. هي دي مغنية؟، دي بتغني إيه؟! معرفهاش والله العظيم، أنتِ حافظة لها أغاني؟".

وأضاف شاكوش، خلال حواره مع الإعلامية بسمة وهبة، ببرنامج "العرافة"، عبر فضائية "المحور": "ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAKE".

كما ردّ على مغني المهرجانات حمو بيكا، الذي قال إنه مغرور، موضحًا: "حمو تلقائي، ومعاهم معاهم، عليهم عليهم، غلبان وطيب والناس بتلعب بدماغه ومشاعره، لما تكون طيب زيادة عن اللزوم بتبقى وحش جدا، عشان الناس بتقولك شمال يبقى شمال ويمين يبقى يمين، وبعد التصريحات دي، اتصل بيّ وقالي تعالى نقعد مع بعض".