سامح حسين عن جريما في المعادي:"محصلتش في مصر"

كتب-محمد مجدي:

أشاد الفنان سامح حسين بمسرحية جريما في المعادي (مسرحية كلها غلط)، الذي حضرها أمس عبر صفحته الشخصية بموقع تبادل الصور والفيديوهات "إنستجرام".

ونشر "سامح" صورة له برفقة الفنان أشرف عبد الباقي وكتب قائلًا:"امبارح اتفرجت أنا ومراتي على عرض من أحلى العروض المسرحية اللي الواحد شافها في حياته... حاجة كده محسوبة بالمللي ومحصلتش في مصر قبل كده".

وتابع:"مسرحية جريما في المعادي (مسرحية كلها غلط) لكن الحقيقة إنها صح الصح من غير أي مجاملة اللي هيفوته العرض ده هيخسر كتير".

واستكمل:" يلا كل واحد ياخد بعضه هو اللي جنبه ويحجز حالا، هتتفاجئوا من روعته وهتتبسطوا وهتضحكوا من قلبكم... عرض كله إخلاص واجتهاد وفكر جديد، وحاجة تفرح وتشرف آخر حاجة المسرحية بتتعرض على مسرح نجيب الريحاني بوسط البلد".

مسرحية "جريما في المعادي .. مسرحية كلها غلط"، بطولة مجموعة كبيرة من الشباب، وتدريب وإخراج أشرف عبدالباقي وإنتاج وورك شوب للإنتاج الفني، مدير الفرقة حسن نجيب ومدير المسرح رشدي سلامة، أزياء هالة الزهوي، ديكور محمود سامي