"ليه الفضل إن الناس تعرفني".. كريم فهمي يعلق على "حكايات بنات"
كريم فهمي وصبا في حكايات بنات
كتب - بهاء حجازي:
نشر الفنان كريم فهمي، عبر حسابه الشخصي بموقع "إنستجرام"، إعلان مسلسل "حكايات بنات4".
وكتب كريم: "مسلسل حكايات بنات، كلام كتير عايز أقوله في حق المسلسل ده بس ميكفيش بوست واحد، المسلسل ده كان له الفضل بعد ربنا إن حد يعرفني كممثل، عايز أقول الممثل أو الممثلة اللي بيجتهد بدوره في المسلسل ده بيفرق معاه كتير".
وأضاف: "حكايات بنات وشه حلو على كل اللي اشتغلوا فيه واجتهدوا وفيه امثلة كتيرة بقت نجوم، مبروك لكل صناع عمل الجزء الرابع وإن شاء الله تكسروا الدنيا زي الأجزاء الأولى، ومبروك بقي لطارق الجنايني صاحبي وأخويا المنتج الذكي اللي قدر يعمل للمسلسل اسم بقي براند وصديقي رمزي لينير الوحيد المتبقي من الحرس القديم ومبروك لكل الأبطال الجداد كلهم صحابي، ملحوظة "مازال عاصم شخصيتي المفضله و بحبها".
والمسلسل من بطولة ميرنا نور الدين، هاجر أحمد، هند عبد الحليم، أسماء جلال، وإشراف على الكتابة أحمد شوقي، تأليف نهال سماحة ماريان مجدي محمد عبد العزيز أحمد بدر كرام إخراج مصطفى أبو سيف.
وعُرض الجزء الأول من "حكايات بنات" عام 2012 وشارك فى بطولته حورية فرغلى ودينا الشربينى وصبا مبارك وريهام أيمن وكريم فهمى ورجاء الجداوى ومها أبو عوف وعمرو صالح وكتبه باهر دويدار وأخرجه حسين شوكت، أما الجزء الثانى والثالث فعرضا عام 2017 مع بعض التغيرات فى البطلات حيث شارك فى بطولتهما دينا الشربينى وصبا مبارك وانجى المقدم وندا موسى وأحمد العوضى وأحمد جمال سعيد وعمرو صالح وإخراج مصطفى أبو سيف.
View this post on Instagram
فيديو قد يعجبك:
