"عدنا المشهد 19 مرة".. أكرم حسني يكشف لـ"صاحبة السعادة" كواليس مشهد في "بنك الحظ"

كتبت- منال الجيوشي:

كشف الفنان أكرم حسني، عن كواليس أحد المشاهد التي تم إعادتها 19 بسبب دخوله في نوبة ضحك.

وقال "حسني" في لقاء تليفزيوني مع برنامج "صاحبة السعادة" مع الفنانة إسعاد يونس، إنه يستعد لعمل الجزء الثاني من فيلمه الشهير "بنك الحظ" الذي جمعه بالفنان محمد ممدوح "تايسون" والفنان محمد ثروت.

وتابع: "ثروت عنده منطقة كده هو فيها ميكس بين وحيد سيف وسمير غانم، وعنده خلطة محدش يعرف يعملها غيره".

واستكمل: "فيلم البنك قماشة حلوة وينفع يتعمل منه جزء تاني، فيه مثلا مشهد بيني أنا وتايسون لما المدير موقفنا صف واحد وبيلومنا وأنا بعمل حركات غريبة لأني المفروض مش سامع بودني فبقوله حضرتك بتكلمني أنا، إحنا عدنا المشهد ده 19 مرة لأننا مش عارفين نظبطها وبنضحك".

وأضاف: "لما الكيميا بين الفنانين بتبقى حلوة بتعمل كواليس حلوة، وبنبقى عايزين نعمل أجزاء تانية".

فيلم "بنك الحظ" بطولة: أكرم حسني، محمد ممدوح، محمد ثروت، سامي مغاوري، بيومي فؤاد، حسام داغر.