"نفسي أخلف".. بسنت النبراوي تكشف قصة انفصالها عن زوجها الطيار

كتب- هاني صابر:

كشفت الفنانة بسنت النبراوي، تفاصيل قصة انفصالها عن زوجها الطيار.

وقالت بسنت، ببرنامج "top trending" عبر قناة "TeN": "كنت متزوجة من طيار ومحصلش نصيب وانفصلت عنه في 2013، وكنا بنشتغل مع بعض في نفس الشركة، لأني كنت مضيفة طيران وهو كان كابتن طيار، ولم ننجب أي أبناء".

وعن سبب انفصالهما، فأوضحت: "أي ولد وبنت حتى لو عارفين بعض قبل الزواج بفترة طويلة أو بفترة الخطوبة الطويلة، فالمعيشة في بيت واحد بتختلف، وتكتشف طباع بني آدم طوال الوقت، وكل طرف مسئول عن الطرف الآخر، ولو فيه تدخلات من الأهالي الدنيا بتبوظ، ولو كل زوج وزوجة قفلوا على بعض ومدخلوش الأهالي الدنيا ممكن تمشي بينهما".

أضافت: "المفروض أي زوجين ميخلفوش في الأول، ويستحملوا شوية طباع بعض ويقربوا ويفهموا بعض، لأن كل واحد طبعه مختلف، وللأسف لما يتصدموا ببعض فيضطروا للطلاق".

وحول إمكانية ترك التمثيل من أجل الزواج، فأضافت: "والله لو حبيته جدا، ممكن أعمل كده، لأن جات عليا فترة وقولت لأ مش هعمل كدا وأنا بحب التمثيل، بس فكرت في الآخر إن ربنا خلقنا عشان الزوجة والبيت، وأنا نفسي أخلف ويكون عندي طفل، ولو لقيت الشخص اللي يستاهل إني أسيب حلم حياتي، وقتها ممكن أفكر".

يذكر أن بسنت النبراوي، تشارك في بطولة مسلسل "ولهان" الذي يخوض بطولته النجوم منذر رياحنة، محمد رضا، محمد نجاتي، ريم أحمد، حامد الشراب، إيمان رجائي، خالد محروس، بسنت النبراوي، وفاء السيد، شروق، مدير تصوير أحمد حسين، مهندس ديكور سامح بدر، إشراف فني محمد أبو العلا.

المسلسل سيناريو وحوار ورشة Big pen، إشراف عام محمود أبو العلا وعبدالرحمن أبو العلا، وإخراج بلال العربي، وإنتاج شركة جولدن xyz جروب للإنتاج الفني والتوزيع.