فريدة سيف النصر: ماسكين لي مشهد "نقفش الفراخ" ذلة.. كأنهم مسكوني في قضية دعارة

كتب- عبد الفتاح العجمي:

قالت الفنانة فريدة سيف النصر، إنها تتلقى الكثير من التعليقات السلبية بسبب مشاهدها في فيلم "مين فينا الحرامي" مع الفنان عادل إمام عام 1984.

أضافت فريدة، خلال حوارها مع الإعلامية ياسمين عز مقدمة برنامج "كلام الناس" عبر قناة "mbc مصر": "فيلم (مين فينا الحرامي) ده اللي جايبلي الكفية، وخاصة مشهد (كنا بقفش في الفراخ)، الفيلم مش بيضايقني، لكن في عيال من الجمهور اتولدوا بعد الفيلم ده ما اتعمل، بلاقيهم لحد النهاردة يقولولي (نقفش في الفراخ)، ويغيظونا بقى، كأنهم مثلا مسكوني في قضية دعارة لا مؤاخذة، إيه يا جماعة في إيه! ده فيلم".

تابعت: "الفيلم مكنش فيه أي حاجة غير إن عادل إمام نام جنبي على الأرض، ماسكينهالي ذلة، اللي هو والنبي متتكلمش بس وتقولي رأيك وبتاع وشوفي نفسك في مشهد (نقفش في الفراخ)، إيه ده! عملت إيه يعني! أنا مش بزعل منهم وبحب أضحك معاهم ونتناقش، وهما يعيني مساكين جدا ملقوش قدوة".

يذكر أن آخر أعمال الفنانة فريدة سيف النصر مسلسل "رانيا وسكينة" مع روبي ومي عمر في رمضان 2022.