نعيم عيسى باكيا: بحس بالحسرة.. أنا انتهيت ومبمثلش وزملائي مش بيزوروني

كتب- عبد الفتاح العجمي:

قال الفنان القدير نعيم عيسى، إنه يشعر بحسرة كبيرة لبعده عن دائرة الأضواء والاهتمام والمشاركة في الأعمال الفنية.

أضاف عيسى، خلال حواره من منزله بالإسكندرية مع الإعلامي عمرو الليثي ببرنامج "واحد من الناس" عبر قناة "الحياة": "بحس بحسرة كبيرة، ببقى متضايق، ليه أنا انتهيت كده؟ ليه انتهيت عيان ومريض ونايم في البيت؟ ليه مابخرجش؟ ليه مبمثلش؟ ليه محدش بيبعتلي؟ ليه زملائي مش بيزوروني؟".

تابع باكيا: "أنا الحمد لله عايش بالمعاش والحمد لله، أنا بحب الفن من صغري، طول عمري بحب الفن والسباحة، بتضايق لما بشوف في التليفزيون بيكرموا ناس كتير ولا حد فكر يكرمني، جوايا إحساس بالظلم، كده ظلموني، ليه مش بيشغلوني؟ ليه مش بيجوا يزوروني؟ ليه النقيب مش بيجي يزورني؟".

نعيم عيسى من مواليد 6 يناير 1937، التحق بفرقة مدبولي وفرقة الإسكندرية في بداية حياته الفنية، ليشارك بعدها في العديد من المسرحيات منها "الزمبليطة في الصالون، ناس كده وكده، ريا وسكينة، الواد سيد الشغال"، ثم انتقل للعمل في السينما والتلفزيون ومن أبرز أعماله: "المتسول، مين فينا الحرامي، الباشا تلميذ"، ويبتعد عن الشاشة منذ سنوات.