لماذا لم يقدم أحمد زكي وعادل إمام "أرابيسك"؟.. جمال عبدالحميد يجيب

كتبت- منى الموجي:

قال المخرج الكبير جمال عبدالحميد، إن ترشيح "الزعيم" عادل إمام لتقديم دور حسن أرابيسك في مسلسل "أرابيسك- أيام حسن النعماني"، كان قبل أن يتولى هو إخراج العمل، إذ كان من المقرر أن يخرجه المخرج الراحل إسماعيل عبدالحافظ.

وحكى عبدالحميد في حواره مع برنامج "نص الكلام" الذي تقدمه الإعلامية راغدة شلهوب، على قناة النهار: "عادل إمام كان بيصور في مجمع التحرير وروحنا نقنعه بالمخرج إسماعيل عبدالحافظ، ووافق، لكن طلب من الكاتب أسامة أنور عكاشة، بعض التعديلات عل ى الشخصية، أسامة رفض وقاله أنا مش ترزي، اللي مكتوب هتعمله ومشي أسامة وخد المعالجة وقعد حوالي سنتين، لما عملتله سهرة درامية قالي انت اللي هتعمل أرابيسك، ووقتها كان اختياري لـ أحمد زكي".

وتابع عبدالحميد "أحمد زكي صاحبي وكان صديق غالي وقلت لأسامة هكلم أحمد زكي وأروحله وأتفاهم معاه، قالي يا ريت يجي وقابلت أحمد في فندق جنب التليفزيون قالي الورق ده بتاعي وأنا اللي هعمله بس بعمل فيلم جمال عبدالناصر، قلت لأسامة قالي عايزين نعرض في رمضان مفيش وقت، لما قال نأجل رحت أشوف الأسماء اللي اقترحها أسامة كنت فعلا هتجنن على صلاح السعدني، يا سلام على اللي عمله صلاح عمل الدور هايل".

"أرابيسك- أيام حسن النعماني" شارك في بطولته كوكبة من نجوم الفن، بينهم: صلاح السعدني، هدى سلطان، سهير المرشدي، هشام سليم، لوسي، هالة صدقي، كرم مطاوع، أبو بكر عزت، حسن حسني، حسن الأسمر، جيهان فاضل.