هند عبدالحليم لـ"مصراوي": "أزمة منتصف العمر" جريء ومناقشة هذه المواضيع شيء مهم

كتبت- منى الموجي:

قالت الفنانة هند عبدالحليم إن شخصية سلمى التي قدمتها ضمن أحداث مسلسل "أزمة منتصف العمر" بعيدة كل البعد عنها.

وأوضحت هند في تصريحات خاصة لـ"مصراوي" ردًا على سؤال: هل أدمنت مثل سلمى يوما شخصا أو ممارسة شيء بعينه كرياضة أو عمل؟: "هند مالهاش علاقة بسلمى خالص، ممرتش بتجربة زي دي، سلمى كتركيبة وكل حاجة اتعرضت في حياتها وصلتها إن ممكن تدمن شخص، لأنه الحاجة الوحيدة اللي كان بيديها أمل في حياتها".

وعن سر الجدل الذي أثاره المسلسل مع عرض حلقاته الأولى، قالت "المسلسل جميل وجريء ومختلف، ومش معنى كده إن الموضوع اللي بيناقشه مش موجود، كل شخصية في المسلسل موجودة في الحقيقة مفيش موقف بعينه بس فيه حاجات كده وتركيبات شخصيات كتير كده".

وتابعت "أنا مع إننا نناقش قضايا كده ونشوف بداية ونهاية كل شخصية إيه، وده حصل ليه بناقش ونشوف البعد النفسي اللي وصلها لكده، وهل هي ضحية، بالنسبالي مهم نناقش حاجات كده، وحلو نناقش حاجات اجتماعية وعائلية لذيذة ونحب بعض وننشر السلام بس زي ما فيه ده فيه حاجات وحشة".

يُعرض لـ هند عبدالحليم الفترة الحالية مسلسل "أزمة منتصف العمر" على منصة شاهد VIP، إخراج كريم العدل، بطولة ريهام عبدالغفور، كريم فهمي، عمر السعيد، هاجر عفيفي، رشدي الشامي، رنا رئيس، ركين سعد.