ياسر جلال عن "علاقة مشروعة": "شخصيتي بالمسلسل تشبهني ومي عمر هتخض الناس"
-
عرض 4 صورة
-
عرض 4 صورة
-
عرض 4 صورة
-
عرض 4 صورة
كشف النجم ياسر جلال، عن تفاصيل عديدة حول شخصية "عمرو" التي يجسدها بمسلسل "علاقة مشروعة"، وتجربته مع الفنانة مي عمر والفنانة داليا مصطفى، وكواليس العمل مع المخرج خالد مرعي والمؤلفة سماح الحريري.
نستعرض لكم أبرز ما قاله ياسر جلال عن مسلسل علاقة مشروعة في السطور التالية:
- أجسد شخصية رجل يدعى "عمرو" بالمسلسل، وتحدث مفاجأة من أول مشهد في أول حلقة بيتبني عليها كل أحداث المسلسل.
- مسلسل إجتماعي ورومانسي تشويقي ساسبنس، يعني انت قاعد طوال الوقت مش قادر يعني وخايف ومتوتر وقلقان طول الوقت، بجد الأستاذة سماح الحريري عرفت تكتب مسلسل حلو أوي، والأستاذ خالد مرعي آول مرة بشتغل معاه ومخرج كبير وعظيم.
- أنا كان نفسي أشتغل مع خالد مرعي بصراحة وسماح الحريري اشتغلت معاها عملين قبل كدا " القاصرات" و "ساحرة الجنوب".
- أستاذ خالد مرعي عمل العديد من الأعمال منها "تيمور وشفيقة" و "عسل أسود" وعمل حاجات كتير وهو راجل محترم أوي صوته واطي مبيغلطش وأنا بحب المؤدب أوي، ومبحبش اللي بيتجاوز ويشتموا، وبيقول ( أكشن ) بصوت واطي وقوي الشخصية جدا وهو في منتهي الأدب، وراجل لطيف جدا ومحترم وفنان أوي بيفهم في أداء الممثل وعنده توجيهات.
- مبسوط إن الورق اتشال سنتين عشاني، الحمد لله لأن العمل كان عاجبني من الأول وموضوعه حلو لأن أنا دايما بيبقى همي ان أنا أنقي عمل حلو.. بيتهيألي أن كل الأعمال اللي ربنا كرمني وعملتها فيها حاجة تتشاف، كمان أنا مبحبش الحاجات اللي مش مفهومة يعني بحب الدراما القوية وحدوتة فيها بناء درامي متصاعد وصراع درامي.
- عمرو يتشابه مع ياسر جلال، بأنه رومانسي جدا وشرقي، وأنا برضه فيا حتة الشرقية دي.. وفيه حاجات كتير مش في ياسر زي عمرو مثلا هو رجل أعمال وياسر فنان، والفنان تحكمه عاطفته أكتر.
- الخط الدرامي اللي ماشي فيه عمرو موجود في الحياة وشفته بأشكال مختلفة.
- المسلسل بيناقش رسالة قوية جداً والعمل ممتع ومشوق جدا.
- مي عمر.. صديقة عزيزة وأخت واشتغلنا مع بعض قبل كدا في "الفتوة" ومي دحيحة بتمسك الورق وتقعد تذاكر وعمالة تفكر في الجملة دي وتقولك حاجات في دورك كمان، وأنا بحب الممثل المجتهد وهي موهوبة وعندها كاريزما على الشاشة وتطورت في التمثيل بشكل كبير.
- مي عمر بتلاقي نفسها في الشغل بتاعي يعني بتلقيلها مساحة حلوة في التمثيل.
- بعتبر دور مي عمر في المسلسل هيكون نقلة كبيرة لها .
- تعبنا في المسلسل ده وفكرة 15 حلقة حلوة .
- مبقاش فاضل كتير في التصوير ممكن نصور تلات أو أربع أيام في رمضان في أوله إن شاء الله على خير.
- مي عمر.. شخصيتها تخض الناس وهتتخض من مي عمر في المسلسل هتتفاجئ وهتقدم دور جديد عليها، وأنا كنت مخضوض من مي وأنا بشتغل معاها.
- داليا مصطفى.. ميلاد جديد لـ داليا مصطفى وبتعمل دور اسمه عاليا.
- مي عمر طالعة أختي في المسلسل.
مسلسل "علاقة مشروعة" بطولة ياسر جلال، مي عمر، داليا مصطفى، مراد مكرم، بسنت شوقي، تأليف سماح الحريري، إخراج خالد مرعي.
فيديو قد يعجبك:
